Éxodo 30:34 - Qullan Arunaca

Tatitusti Moisesarojj sänwa: “Jumasti apthapim ucqhapura acanacata: kokanacat ch'akqui uca resina, uña sat k'apquir kolla, suma incienso uqhamaraqui gálbano sat k'apquir kolla.

Aymar Bibliia 1986

Tatitusti Moisesarojj sänwa: “Jumasti apthapim ucqhapura acanacata: kokanacat ch'akqui uca resina, uña sat k'apquir kolla, suma incienso uqhamaraqui gálbano sat k'apquir kolla.

Qullan Arunaka DC

Tatitux Moisesar sänwa: “Q'apkir qullanakat mä pachpak apthapïta: quqanakat ch'aqir resina, uña sat q'apkir qulla, suma incienso, gálbano sat q'apkir qullampi;

Éxodo 30:34 Jak'a apnaqawi uñst'ayäwi

Nehemías 13:5

jupajj churataynawa mä jach'a uta, cawqhantï nayrapachajj ofrendanac imañäcäna, inciensonaca, yänaca, uqhamarac diezmonaca: trigota, vinota, aceiteta, levitanacar churañäcäna, k'ochurinacarusa, uqhamarac puncu uñjirinacarusa, ucjjarusti cunanacatejj sacerdotenacaru churañäcäna ucanacaraqui.

Éxodo 25:6

aceite lamparanac khanayañataqui, suma k'apquir perfumenaca loktañ aceitetaqui, uqhamarac k'aphichañ inciensotaqui,

Éxodo 30:23

“Jumasti ajllim suma k'apquir kokanaca, mä sojjta kilo suma mirra, quimsa kilo canela, uqhamarac mä quimsa kilo suma k'apquir caña.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Éxodo 30:35

Take ucanacata waquicht'am suma kollan incienso jayun cuna. Ucanacsti suma pitthapïta cunjämtejj mä perfume lurirejj lurqui uqhama.

Éxodo 30:7

Aaronasti sapärmanthi alwata mantcani mechanac waquichiri ucqhajja, altararojj suma k'apquir incienso nact'ayañapajja.

Éxodo 31:11

Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”

Éxodo 35:15

incienso naqhayañ altarsa callañapamppacha, loktañ aceite, suma k'apquir incienso, cortina kollana chekar mantañawjataqui,

Éxodo 37:29

Ucjjarusti Bezaleel chachajj luraraquïnwa loktañataqui kollan aceite, uqhamarac suma k'apquir incienso, cunjämatejj suma k'apquir perfumenaca lurirejj lurqui uqhamaraqui.

Cantar de los cantares 3:6

¿Cunas wasar toketa jutqui ucajja, mirrampi, inciensompi, uqhamarac take casta k'apquir kollanacampi k'aphichatäcaspas uca jiwk'e taypi jutqui ucajja?

Isaías 43:23

Janiraquiw ovejanacatsa sacrificionac loktanquistati, janiraquiw cuna casta sacrificionacsa nayarojj loktanquistati. Janiw nayajj karjaycsmati ofrendanac mayitajjampejja, janiraquiw incienso churit sasa p'ek usuycsmati.

Levítico 16:12

Ucjjarusti mä incensario caturaquini, ucarusti cawquïri sanc'anacatejj altarjjan naqhasqui ucanacampiw apjjataraquini, uca altarasti Tatitun nayrakatapanquiwa, uqhamarac pä jach'i q'iyat incienso caturaquini, ucsti velo khepäjjaruw apjjaraquini,

Levítico 2:1

“Cunapachatejj maynejj Tatituru granonacat waquichata mä ofrenda loktäwi apanini ucqhajj, suma jac'u apaniñapawa, ucjjarusti aceitempi, inciensompi warjjatt'atäñaparaquiwa.

Levítico 2:15

Ucjjarusti aceitempi, inciensompi waraquipañamaraquiwa, grano achunacat ofrenda waquicht'atätap laycu.

Levítico 24:7

Sapa sekensti incienso puro uscuraquim, uca inciensosti uca t'ant'a loktäwitjja mä suma amtasiñataqui naqhata ofrenda loktatäcaspasa uqhamataquïniwa, ucasti Tatitutaqui sataraquïniwa.

Levítico 5:11

“Ucat janipunitejj kollkejj utjarapcani pä palom, jan ucajj pä palom wawanaca alt'asiñataquisa, uca jucha luratapat ofrenda loktañataquejj pä kilo wali suma jac'u aparaquini. Uca jac'jjarusti janiw aceitempisa ni inciensompisa warjjatcaraquiniti, jucha luratat mä ofrenda loktatätap laycu.

Números 4:16

Eleazar sat Aarón chachan wawapajj lamparanacan aceitepa, k'apquir incienso, juyra churat ofrendanaca, Diosaru churañ aceite imañaparaquiwa. Uqhamaraquiw kollan lugar uñjañapa, take cunanacatejj ucan utjqui ucanacsa, uqhamaraqui take kollan yänacatejj utjqui ucanacsa.”

Números 7:14

uqhamaraqui mä kori cuchara cawquïritejj pesäna pataca tuncani gramo, incienson phokt'ata,

Mateo 2:11

Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.