Éxodo 30:23 - Qullan Arunaca

“Jumasti ajllim suma k'apquir kokanaca, mä sojjta kilo suma mirra, quimsa kilo canela, uqhamarac mä quimsa kilo suma k'apquir caña.

Aymar Bibliia 1986

“Jumasti ajllim suma k'apquir kokanaca, mä sojjta kilo suma mirra, quimsa kilo canela, uqhamarac mä quimsa kilo suma k'apquir caña.

Qullan Arunaka DC

“Suma q'apkir alinak ajllïta, suma mirräki ukat suxta kilo, suma q'apkir canelat kimsa kilo, suma q'apkir cañat kimsa kilo,

Éxodo 30:23 Jak'a apnaqawi uñst'ayäwi

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Crónicas 9:29

Maynïrinacasti utt'ayatäpjjänwa yakha yänaca uñjapjjañapataqui, uqhamarac kollan yänacataraqui, suma jac'uta, vinota, aceiteta, inciensota, uqhamarac k'apquir kollanacataraqui.

1 Crónicas 9:30

Sacerdotenacatjja mä kawkhaniwa yatipjjäna suma k'apquir kollanaca waquichaña.

Salmos 45:8

Isinacamajj suma k'apquir kollanacaniw muct'asi; mirra, áloe, canela ucanacampi; marfilat lurat reyin utapatpach arpanacajj jumar cusisiytam.

Éxodo 25:6

aceite lamparanac khanayañataqui, suma k'apquir perfumenaca loktañ aceitetaqui, uqhamarac k'aphichañ inciensotaqui,

Éxodo 30:22

Tatitusti Moisesar parlasinjja sänwa:

Éxodo 30:24

Mä sojjta kilo casia sat koka, kollan chekancqui uca tupuparjama; uqhamarac quimsa litro chicatani aceite oliva sata.

Éxodo 31:11

Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”

Éxodo 35:28

Ucjjarusti apanipjjaraquïnwa suma k'apquir perfumenaca, mecha naqhayañatac aceite, loktañataqui aceite, uqhamarac suma k'apquir incienso nact'ayañataqui.

Éxodo 37:29

Ucjjarusti Bezaleel chachajj luraraquïnwa loktañataqui kollan aceite, uqhamarac suma k'apquir incienso, cunjämatejj suma k'apquir perfumenaca lurirejj lurqui uqhamaraqui.

Proverbios 7:17

ucatsti suma k'apquirinacampiw uchaniracta, mirra, áloe, canela ucanacampi.

Cantar de los cantares 1:13

Nayan munatajjajj nayataquejj mirra sat chinur uñtatawa, ucasti nayan ñuñunacajj taypincapuniwa.

Cantar de los cantares 1:3

perfumeman k'aphipas muct'atajj wali sumaraquiwa, sutimasti suma perfume wartatjamaw k'aphiraqui. ¡Ucatwa warminacajj wali munapjjaractamjja!

Cantar de los cantares 4:14

cawquintejj utjqui nardosa, asafranasa, suma k'aphini cañasa, canelasa, uqhamarac take casta incienso kokanacasa, mirra, áloe ucanacasa, uqhama. ¡Ucanjja take suma k'apquiri kollanacaw utji!

Isaías 43:24

Janiraquiw suma k'apquir cañsa alctati. Nayatac ofrenda apaniñamataquejja, janiraquiw sacrificiot loktat uywanacan liq'inacapampis cusisiyquistati. Jan ucasti jucha lurañanacamampejj karjayistawa, ñankha luratanacamampisti p'ek usuyaraquista.

Jeremías 6:20

¿Cunataquis jumanacajj Sabá sisqui uca oraket incienso apanirapipjjesta? ¿Uqhamaraqui jaya orakenacatpacha suma k'aphini alinacsa? Nayarojj janiw munasquituti uca loktasitanacamajja, ni yakha sacrificionacamasa.”

Ezequiel 27:19

Uzal sisqui ucatpachwa jumataquejj vino, hierro, canela, uqhamaraqui suma k'apquiri cañampi apanipjjaraquïnjja take alaquipäwinacamata churañataqui.

Ezequiel 27:22

Sabá, uqhamaraqui Raama sisqui uca marcan utjirinacasti juman alasirinacamänwa, ucatsti suma k'apquiri perfumenacampiwa pagjjaraquïyätamjja, suma kalanacampi, korimpi cuna.

Números 4:16

Eleazar sat Aarón chachan wawapajj lamparanacan aceitepa, k'apquir incienso, juyra churat ofrendanaca, Diosaru churañ aceite imañaparaquiwa. Uqhamaraquiw kollan lugar uñjañapa, take cunanacatejj ucan utjqui ucanacsa, uqhamaraqui take kollan yänacatejj utjqui ucanacsa.”

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui: