Éxodo 29:9 - Qullan Arunaca Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui. Aymar Bibliia 1986 Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui. Qullan Arunaka DC Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani. |
Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.
“Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.
Ucat Moisesajj saraquïnwa: —Jichhüruwa jumanacajj loktasisa Tatitut jilïrïña catokapjjtajja mayninacajj wawanacamaru yakhepanacajj jilanacamaru jan jaysapjjatam laycu. Ucatawa jichhürojj Tatitojj jumanacarojj bendicipjjätam.
Ucatsti aceitempiw jupanacar warjjataraquïta cunjämtejj Aarón awquipar lurctajj uqhama, uqhamata nayan sacerdotejjäpjjañapataqui. Aca aceitempi jupanacjjaru warjjatatasti wiñayataqui sacerdotëpjjañapataquiwa wawanacapan wawanacapataquisa.”
Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.
Uqhamarusa janiraqui jayar sarapjjamti Tatitumpi Jiquisiñ Carpatjja, ucat pakallko uru phokhasiñapcama imapjjaraquim, uca pakallko urunwa phokhasiraqui jumanacan Tatitur catuyasipjjatamajja.
Tatituw muni, jumana, uqhamarac mayni jilanacaman Leví sat tributjja jupanacampi jac'ancañanacama. ¿Jichhasti sacerdotet sarnakañti munapjjta?
Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.
Ucasti israelitanacan amtasipjjañapataquïnwa, Aarón chachan wawanacapat sipansa, janiraquiw qhitisa altarar jac'achasiñapäcänti, Tatituru incienso loktañataquejja. Janitejj ist'asipcani ucqhajja, Coré chacharu, jilanacapampiru pasqui uqhamaw lurasiraquini cawquïri jaketejj loktañ munqui ucampejja. Uqhamaw phokhasïna cunjämatejj Tatitojj Eleazarar siscatayna Moisés toke uqhamarjama.
Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”
Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.
sacerdocio lurañanacsti Aaronan wawanacapan amparaparu jaytaraquim. Maynitejj jan cunäcasina sacerdotet sarnakani ucajj juchañchasin jiwayatäniwa.”
Tatitu Diosamaraquiw jupanacaru ajllisi take tribunac taypita, awquinacapat wawanacapcama Tatitu Diosaruqui yupaychañan sarayapjjañapataqui.
Micaía sat chachana utapanjja mä chekawa utjäna culto lurañataqui. Ucatsti efod sat iswa lurasïna, uqhamarac familiapataquisa diosanaca luraraquïna. Ucatsti mayni yokaparuw sacerdoteta utt'ayäna.
Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’