Éxodo 28:40 - Qullan Arunaca

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Aymar Bibliia 1986

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Qullan Arunaka DC

Aaronan wawanakapatakix túnica isinaka, wak'anaka, p'iqi ch'uqasiñ isinak lurarapïta, uka isinakax jupanakar suma k'achachat jach'ar aptañatakïniwa.

Éxodo 28:40 Jak'a apnaqawi uñst'ayäwi

Éxodo 28:2

Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Éxodo 28:4

Aqham isinacwa lurapjjañapajja: Pectoral sata nayräjja pechotaqui lurata, Efod sata jan mangasan jach'a camisa, mä jach'a capa isi, ucasti callachita khepäjj cayucamäñapawa, túnica sat jach'a jan mangasan isi cayucama, ucasti suma bordatäñapawa, mitra sata p'eketaqui mä coronar uñtata, uqhamarac mä cinturona. Uqhama suma isinacwa lurapjjäta Aarón jilamataqui, uqhamarac wawanacapataquisa, uqhamata jupanacajj nayan sacerdotenacajj-jamajj cunsa lurapjjañapataqui.

Éxodo 29:8

Uqhamarac wawanacaparu irpcatasinjja túnica sat isinacampiraquiw isthapiyaraquïta.

Éxodo 29:9

Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Éxodo 39:41

Carpan lurañanaca phokhañataquisti isjja lurapjjänwa, sacerdote Aaronataquisa suma isinacjja lurarapipjjänwa. Uqhamarac wawanacapataquisa sacerdote isinacjja lurarapipjjaraquïnwa.

Isaías 52:1

Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti.

Levítico 16:24

Uca quipca kollana chekanwa jarekasjjaraquini, isthapisitatsti mistunjjaraquiniwa jupa quipcat sacrificio loktañataqui, uqhamarac take jakenacataquisa, ucampiwa jupan juchanacapata uqhamarac jakenacan juchanacapatsa pampachasïwi jicjjataraquini.

Levítico 8:13

Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.

Tito 2:10

Janiraqui lunthatasipjjpasa, jan ucasti suma cheka jakenacäpjjpan, jacäwinacapajj takens uñjcata, Khespiyir Diosan yatichäwipajj sumätapa yatipjjañapataqui.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”