Éxodo 28:34 - Qullan Arunaca

Mä korit lurat campanilla uchäta ucjjarusti mä granada, uqhamarac yakha korit lurat campanilla uchäta, ucjjarojj yakha granadaraqui, uqhamcama lurasinwa takpach capa thiya muytayäta.

Aymar Bibliia 1986

Mä korit lurat campanilla uchäta ucjjarusti mä granada, uqhamarac yakha korit lurat campanilla uchäta, ucjjarojj yakha granadaraqui, uqhamcama lurasinwa takpach capa thiya muytayäta.

Éxodo 28:34 Jak'a apnaqawi uñst'ayäwi

Salmos 89:15

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

Éxodo 28:33

Uca capa thiyanacarusti suma c'achachata mä granadar uñtata azul telampi, wila morado telampi, uqhamarac wila telampi; uqhamsti lurätawa korita lurat jisc'a campanillanacampi mayquipa takpach thiyanacaru.

Éxodo 28:35

Uqhamasti Aaronajj sacerdoten lurañanacapa lurañataquejja uca capjja ucht'asiwayañapapuniwa, uqhamata cunapachatejj kollana sat chekaru Tatitun nayrakatapar mantcani, jan ucajj mistuncanisa ucqhajja uca campanillanacana suenatapajj ist'asiñapataqui, uqhamatwa jupajj jan jiwcaniti.

Éxodo 39:22

Efod sat jach'a capa issti lurapjjaraquïnwa morado hilot sawuta telata.

Éxodo 39:26

Ucanacsti aqhamwa uchapjjäna: mä campanilla, ucjjarusti mä granada, yakha campanilla, ucjjarojj mä granada uqhama takpacha capa isi thiyanacaru, uqhamata uca isini Tatitur loktañanaca lurañapataqui, cunjämtejj Tatitojj Moisesar siscäna uqhamarjama.

Cantar de los cantares 2:3

Chachanac taypinjja, nayan munatajjajj yakha kokanac taypinquir manzano aljamawa. ¡Cunja sumas nayataquejj ch'iwipar kont'asiñajja! ¡Achupasti lacajjataquejj sinti mojjsaraquiwa!

Cantar de los cantares 4:13

granadanaca achquis uca pankar yapjamätawa, suma mojjsa frutanacani; alheña sat pankaranacas utjqui uca pankar yapjamätawa,

Cantar de los cantares 4:3

Lacamasti wali sumaraquiwa wila hilor uñtatjama, parlatamasti wali muncañaraquiwa. Ajanumasti granada fruta k'alljatjamaraquiwa, velo khepäjjana imantata.

Cantar de los cantares 6:11

Nogal sat kokanac taypiruw sarakawayta, uma jalsu ch'ojjñanaca uñatatasiri; uva kokanacajj ch'ojjñatatjjpachati janicha uc uñjiriw sarta, uqhamarac granado alinacan pankaranacapsa.

Cantar de los cantares 6:7

Ajanumasti granada fruta k'alljatjamaraquiwa velo khepäjjana imantata.

Cantar de los cantares 8:2

Nayajj taycajjan utaparuw irpirisma, jupan ucaruw irpantirisma, ucatsti jumaw nayan yatichirejjäsmajja. Nayasti jumarojj suma vino umt'ayirismajja, uqhamarac granada frutanacajjat ch'iwrsut umapwa churirismajja.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.