Éxodo 23:32 - Qullan Arunaca “Jumasti, janiw jupanacampejj mä suma amtäwir mantätati, ni diosanacapampisa. Aymar Bibliia 1986 “Jumasti, janiw jupanacampejj mä suma amtäwir mantätati, ni diosanacapampisa. Qullan Arunaka DC “Janiw jumax jupanakampisa, diosanakapampis kuna arust'äwirus mantätati, |
“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.
Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.
“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.
“Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.
¿Cunjämaraqui Cristompi Supayampisti suman sarnakasipjjaspasti? Jan ucajj ¿cunjämaraqui mä iyawsiristi mä jan iyawsirimpejj chicachasispasti?
Uqhamata jan jumanacar uca ajjtascañ sarnakäwinacap yatichañapataqui, cunjämtejj diosanacaparu yupaychapqui, Tatitu Diosam contra jucha lurayasa.
Cunapachatejj Tatitojj jumanacan amparanacamar uca marcanac catuyapjjätam ucqhajj, cuntejj nayajj ewjjawayapcsma ucanacwa lurapjjäta.
“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.
Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.
Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.
Uqhamaw Josué chachajj take uca oraken jaquir jakenacaru atipjäna. Kollu token jaquir reyinacaru, Néguev sat oraken jaquir reyinacaru, uqhamaraqui pampanacan jaquirinacaru, aynacha token jaquir reyinacar cunaw atipjäna. Take ucanacaruw t'unjäna uqhamaraqui jiwarayäna, cunjämtï Israelan Diosapajj siscäna uqhamaru.
Ucatsti israelit jakenacajj jupanacarojj sapjjänwa: —Inas jumanacajj aca jac'anacan jacasipcsta; ¿Cunjämaraqui jumanacampi mä suma amtäwiru mantsnasti? —sasa.
jumanacajja aca oraken jaquirinacampejj jan suma arust'äwiru mantapjjamti, jan ucasti altaranacapjja take tucjapjjam’ sasa. Ucampis jumanacajj janiw ist'apquistati, ¡uñtapjjamay cuntejj lurapcta uca!