Éxodo 23:24 - Qullan Arunaca

Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Aymar Bibliia 1986

Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Qullan Arunaka DC

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Éxodo 23:24 Jak'a apnaqawi uñst'ayäwi

2 Reyes 17:11

Ucsti jupanacajj lurapjjänwa cunjämatï yakha marcanacajj lurapjjerïqui uqhamaru; Tatitusti ucanacaruraquiw jupanacan nayrakatanacapatjja jakonucutayna. Israel jakenacasti inciensonacwa naqhayapjjäna, ñankha luräwinacwa lurapjjaraquïna, uqhamata Tatitur colerayasina.

2 Reyes 17:8

Uqhamaraquiw lurapjjaraquïna cawquïr marcanacarutejj Tatitojj jakonuccäna jupanacan nayrakatapata ucanacan luräwinacapa, cunjämarutejj Israel reyinacan utt'ayatäcäna uqhamaruraquiw sarnakapjjaraquïna.

2 Reyes 18:4

Jupawa yakha diosanacar sirviñ alto chekan santuarionaca apakayäna, ajjsarata kalanacsa jisc'a jisc'a tucjayäna, Asera diosan lantinacapsa p'aquirayäna, uqhamarac Moisesajj bronceta mä catari lurcäna Nehustán sata ucsa tucjaraquïnwa. Israelitanacasti uca urunacanjja inciensonacjja uca catarir yupaychasinwa naqhayapjjäna.

2 Reyes 3:2

Jupan luratanacapasti jan walinacänwa Tatitun nayrakatapana, janiw jupan luratapajj sinticänti awquipanjama, taycapanjama, jupasti apakayänwa awquipajj kalata luraycäna uca Baal diosaru.

2 Crónicas 14:2

Asan luratanacapajja asqui chekapänwa Tatit Diosapa nayrakatanjja.

2 Crónicas 25:14

Amasiasajj Edom chekanquir jakenacaru atipjasa cutt'anjjasinjja, Seir chekanquir diosanacwa apasinïna, ucatjja jupan diosanacapatwa uñt'asïna, ucanacarusti inciensonaca naqhayasawa yupaychäna.

2 Crónicas 33:2

Ucampis jupan luräwinacapajja jan walïnwa Tatitun nayrakatapana, jupasti luränwa Tatitojj israelitanacan nayrakatapata ajjtcaña luräwinacani marcanacaru jakenuccäna, uca pachpa luräwinaca.

2 Crónicas 33:9

Manasés reyejj jan wali thaquiruwa maysaru saranucuyäna Judá orakenquir jakenacaru, uqhamarac Jerusalenanquiri jakenacarusa, Tatitojj israelitanacan nayrakatapana tucjcäna uca marcanacana luräwinacapatsa juc'ampi jan walinaca lurayasa.

Salmos 101:3

ñankha amtäwinacarojj janiw nayranacajjamp uñtcäti. Diosat saraktirinacarojj janiw uñcatcäti, janipuniw jupanacampejj jac'achayascäti.

Éxodo 20:3

“Janiw jumajja nayat sipana yakha diosanacjja uscusïtati.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 23:13

“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Éxodo 23:32

“Jumasti, janiw jupanacampejj mä suma amtäwir mantätati, ni diosanacapampisa.

Éxodo 23:33

Uqhamaraqui jupanacjja janiw kheparayätati marcam taypina jacañapataqui, jupanacasti naya contraw jucha lurayapjjeristam, diosanacaparu yupaychasa, uqhamatwa jumajj chhakhañaru purisma.”

Éxodo 32:20

Ucampis uca korit lurat vaca kallu catusinjja ninampiw phichcatäna, ucatsti lak'jam ñut'u q'iyjasinjja umaru willintasinwa uca umjja israelitanacarojj umantayaraquïna.

Ezequiel 16:47

Jumasti, jupanacjamaw luraractajja, cuna k'añu luräwinactejj jupanacajj lurapcän ucanacwa luraractajja. Ucanacampi jan sisthapisasa, juman sarnakäwinacamajj jupanacan sarnakäwinacapat sipansa juc'ampi jan walïnwa.

Oseas 10:2

Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Levítico 18:3

“Jan Egipto marcan sarnakäwinacaparjama jacapjjamti, cawquïri marcantejj jumanacajj jacapcäyäta. Janiraqui Canaán oraken sarnakäwinacaparjamasa sarnakapjjamti, cawquïri orakerutejj nayajj jacapjjañanacamataqui irpapcsma uca orakena, janiraqui uca marcan sarnakäwinacaparjama jacapjjamti.

Levítico 26:1

“Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Números 25:2

Uca warminacasti diosanacapar sacrificionac loktapcän ucaruw jupanacarojj jawsapjjäna, ucatsti israelitanacajj mank'anacapatwa mank'apjjäna, uqhamaraquiw moabitanacan diosanacaparusa yupaychapjjäna.

Números 33:52

takpach uca oraken jaquir jakenacaru alisnucupjjam, uqhamarac t'unjapjjam take kalat lurata, metalat lurata diosanacaru, ucatsti t'unjapjjaraquïtaw take kawkha jisc'a kollunacantejj culto lurañ yatipqui ucanaca.

Deuteronomio 12:3

Altaranacapsti jakonucupjjam, jisc'a jisc'a tucjapjjaraquim kalanacapsa; cawquïri lawarutï yupaychapqui ucanacsa phichhantapjjaraquim, uca cunayman uñtan diosanacapsa t'unjapjjaraquim. K'al t'unjapjjam jan qhitis mayampi amtasiñapataqui.

Deuteronomio 7:5

Cuntï jumanacajj lurapjjäta ucanacajj acanacawa: Altaranacapa tincuyapjjäta, ucatsti t'unjapjjaraquïtawa uca kalanacata, lawanacata lurat diosanacapa, cawquïrirutï yupaychapqui, uqhamaraquiw yakha diosanacapsa takpach phichhantapjjäta.