Éxodo 23:18 - Qullan Arunaca

“Jumasti uywanac sacrificio loktasinsti, janiwa wilapjja loktitätati levadurampi lurat t'ant'ampjja, uqhamarac janiw liq'ipsa imaraquïtati khepärmanthitaquejja.

Aymar Bibliia 1986

“Jumasti uywanac sacrificio loktasinsti, janiwa wilapjja loktitätati levadurampi lurat t'ant'ampjja, uqhamarac janiw liq'ipsa imaraquïtati khepärmanthitaquejja.

Qullan Arunaka DC

“Uywa wilañcha luqtkitäta ukapachasti, janiw wilapxa levaduran t'ant'amp chik luqtitätati, janirakiw lik'ipsa qhipärmanthitak imätati.

Éxodo 23:18 Jak'a apnaqawi uñst'ayäwi

Éxodo 12:10

Janiw cunsa jaytapjjätati khepa urutaquejja; ucampis cunatejj jilt'can ucanacjja ninaruw naqhantayjjapjjäta.

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:8

Uca arumasti mank'apjjätawa uca aychjja ninaru cancata, jan levaduran t'ant'ampi, uqhamarac jajjo ch'ojjña alinacampi uqhama.

Éxodo 16:19

Ucat Moisesasti sascaquïnwa: —Janiwa qhitisa khepärmanthitaquejj cunsa jilt'ayañapäquiti —sasa.

Éxodo 29:34

Khepärmanthisti jilt'qui uca ovejan aychapasa, uqhamarac t'ant'asa ucanacajja naqhantayatäjjañapawa, janiwa qhitisa mank'añapäquiti uca jilt'anacjja loktatätap laycu.

Éxodo 34:25

“Animalanac sacrificio loktañataquisti, janiw wilampi, levaduran t'ant'ampejj loktañatac apthapïtati, ni pascua fiestan sacrificio loktatäqui ucan jilt'anacapsa khepärmanthitaquejj imaraquïtati.

Levítico 2:11

“Janipun jumanacajj levadurjja uchapjjamti Tatitur loktañatac grano achunacat waquichat ofrendarojja. Janipuni cuna casta levaduranacsa uscupjjamti, misq'ïpasa Tatitur loktat ofrendajj naqhantayatäñapapuniwa.

Levítico 7:12

Uca loktäwitejj yuspagarañataquïchinejja, t'ant'anaca churapjjaraquïta jan levadurani, aceiteru chapt'ata, uqhamaraqui sillp'a t'ant'anaca, aceitempi waraquipt'ata, uqhamaraqui wali suma jac'ut lurata t'ant'anaca, aceitempi chaputaraqui.

Levítico 7:15

“Cawquïri uywanacatejj yuspagarañataqui, uqhamaraqui sumancthapiñataqui loktasqui ucanacan aychanacapasti uca urpachawa pachpan mank'antatäjjaraquini, janiw mä jisc'a aychas khepürutaquejj jilt'ayatäñapäquiti.

Deuteronomio 16:4

Uca pakallko urunacanjja janiw jumanacan orakenacamanjja levadurajj utjañapäquiti; cawquïri aychtejj sacrificion nayrïri uru jayp'unjja loktapcäta uca aychjja janiw khepärmanthi alwatac jilt'ayasipjjätati.