Éxodo 19:13 - Qullan Arunaca

Ucampis janiwa juchanirojj qhitis amparampi nuwjañapäquiti jan ucasti jiwayapjjañamaw kalanacampi jayat c'upjasa, jan ucajj flechanacampisa. Jakëscpasa, uywäscpasa jiwañapawa, janiwa jacañapäquiti. Ucampis israelitanacajj kollurojj maqhatañapawa cunapachatejj oveja wajjrat lurat pututojj phust'ascani ucqhaqui’ —sasa.

Aymar Bibliia 1986

Ucampis janiwa juchanirojj qhitis amparampi nuwjañapäquiti jan ucasti jiwayapjjañamaw kalanacampi jayat c'upjasa, jan ucajj flechanacampisa. Jakëscpasa, uywäscpasa jiwañapawa, janiwa jacañapäquiti. Ucampis israelitanacajj kollurojj maqhatañapawa cunapachatejj oveja wajjrat lurat pututojj phust'ascani ucqhaqui” —sasa.

Qullan Arunaka DC

Ukampis janiw juchanirux khitis amparamp nuwjañapäkiti jan ukasti, qalanakamp jayat k'upjasa, mich'inakamp antutt'askamaw jiwayapxäta. Jaqïpasa, uywäpasa jiwañapawa. Jaqinakax trompetan phust'asitap ist'askani ukapachakiw qullurux makhatani” sasa.

Éxodo 19:13 Jak'a apnaqawi uñst'ayäwi

Éxodo 19:14

Moisesajj kollutjja sarakanjjänwa israelit jakenacaru waquichañataqui, Diosaru catuyasipjjañapataqui; uqhamarac israelitanacajj isinacapjja t'ajjsusipjjänwa.

Éxodo 19:16

Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Éxodo 19:17

Ucatsti Moisesajj campamentotjja israelitanacarojj ansuwayänwa Diosampi jiquisiñataqui. Ucat kollu cayur purisasti ucqhatwa suyt'apjjäna.

Éxodo 19:19

Pututunacan suenatapasti juc'amp juc'ampi jach'at ist'asïna. Cunapachatejj Moisesajj parlcäna ucqhasti Diosajj jaysanïnwa wali jach'a arumpi.

Éxodo 34:3

Jumampisti janiw qhitisa kollurojj maqhatañapäquiti, ni kollunsa qhitisa utjañapäquiti, uqhamarac kollu nayräjjanjja janiwa ovejanacsa, ni vacanacsa awatipjjañamäquiti —sasa.

1 Corintios 15:52

Ucasti mä nayra ch'ipjjtanaquiw lurasiraquini, cunapachatï trompetan khepa phust'asitapajj ist'ascani ucqha. Trompetan phust'asitaparusti jiwatanacaw jactapjjani jan mayampi jiwjjañataqui; jiwasasti yakha cuerponëjjaraquiñäniwa.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Hebreos 12:20

Ucsti cuntejj Diosan arunacapajj siscän ucarojj janiw jaysapcänti: “Maynitejj uca kolluru tact'ani ucajj kalamp c'upjcäwiw jiwayatäni jan ucajj espadampisa, mä animaläscpasa” sasa.

Jueces 20:37

Uca jakenacasti acatjamata Gabaa sat marcaru nuwantasinsti take ucanquir jakenacwa espadampcama jiwarayapjjäna.