Éxodo 14:29 - Qullan Arunaca

Ucampis israelitanacajja kotjja maqhatapjjänwa waña orakenjama pä suma perka taypi, mayajja cupi tokena, mayasti ch'eka tokena uqhama.

Aymar Bibliia 1986

Ucampis israelitanacajja kotjja maqhatapjjänwa waña orakenjama pä suma perka taypi, mayajja cupi tokena, mayasti ch'eka tokena uqhama.

Qullan Arunaka DC

Ukampisa, israelitanakax quta taypi waña uraqinjam makhatapxäna, pä uma pirqa taypinjama, mayax kupïxana, mayasti ch'iqäxana.

Éxodo 14:29 Jak'a apnaqawi uñst'ayäwi

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Salmos 106:9

Mar Rojo kotaruw tokenokäna, kotasti wañt'änwa, waña orakenjam irpcatäna.

Salmos 136:13

Mar Rojo kotar payar jaljtayiriru: qhuyapayasiñapajj wiñayawa.

Salmos 78:13

lamar kotarojj payaruw jaljtayäna, uca chekaw jupanacarojj maqhatayäna, perkanacar uñtat umanac sayt'ayäna;

Éxodo 14:22

Ucatwa israelitanacajja kotjja maqhatapjjäna waña orakenjama. Ucampis uma jaljtatasti pä perkjamänwa mayajja cupi tokena, mayasti ch'eka tokena uqhama.

Éxodo 15:19

Faraonan carronacapampi, uqhamarac caballeriapampejj kotaruw mantanipjjäna, ucatsti Tatitojj kotanjja umampiw chhaktayäna. Ucampis israelitanacajj kotjja waña orakenjam maqhatanipjjäna.

Éxodo 15:8

Jumasti samanamampi phust'asajja mayawjaruw umjja montonthaptajja, uma mathapinacasti mä perkjamaraquiw lurasiraqui, kota mankha orakesti jan onjjtquiriraquiw tucuraqui.

Isaías 11:15

Tatitusti jupanacataquejj Mar Rojo kota chekwa thacjja jist'arani; Eufrates jawirjjaruraquiw amparapjja loktanini, mä jach'a thaywa thayt'ayaniraquini, pakallko lokanacaruraquiw jaljani, ucatsti jan wisqhunacap apsusisaraquiw maqhatapjjani.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Isaías 51:10

jach'a lamar kotsa wañt'ayaractawa, jach'a p'iya mankhanquir umanacsa wañt'aytawa, jach'a kota mankhsti wañt'ayasinjja thaqui lurtajja, khespiyatanacajj uca cheka maqhatapjjañapataqui.

Isaías 51:13

¿Qhititejj alajjpachsa, acapachsa lurqui uca Tatitu Diosamatjja armasïtati, qhititejj alajjpacha janatati, oraksa utt'ayaraqui ucatjja? ¿Qhitinacatejj jumar tucjañataquejj jac'ancqui, wali colerata uñch'uquisctam ucanacataquejj qhathatiscaquïtati? Ucampis ¿cawquinquis colerasiñapajja?

1 Corintios 10:1

Jilatanaca, nayajj jumanacan yatipjjañama munta: Nayra awquinacasajj mä kenayan irpatänwa, takeniw Mar Rojo kota chekajj pascatapjjänjja.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.