Éxodo 14:27 - Qullan Arunaca

Ucat Moisesasti amparapwa kotjjaru loktäna, ucatsti khepärmanthi willjta horasasti umajja cunjämäcäntejj uqhamaruw tucjjäna. Ucatsti egipcionacajj jaltañwa munapjjäna ucampis umajja jupanacarojj chhaktayänwa. Uqhamwa Tatitojj egipcionacarojj kotan umampi tucjäna.

Aymar Bibliia 1986

Ucat Moisesasti amparapwa kotjjaru loktäna, ucatsti khepärmanthi willjta horasasti umajja cunjämäcäntejj uqhamaruw tucjjäna. Ucatsti egipcionacajj jaltañwa munapjjäna ucampis umajja jupanacarojj chhaktayänwa. Uqhamwa Tatitojj egipcionacarojj kotan umampi tucjäna.

Qullan Arunaka DC

Moisesasti amparap qutxar luqtäna, qhipärmanthi willjtasti umax kunjämakäntix ukhamaw tukxäna. Egipcionakax jaltxañ yant'apxäna, ukampis umaw jupanakar chhaqtayäna, Tatitux egipcionakar quta umamp ukham tukjäna.

Éxodo 14:27 Jak'a apnaqawi uñst'ayäwi

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Salmos 106:11

Jaljjatirinacarojj umaw ajjscatayäna, janiw maynis jupanacat khespcänti.

Salmos 136:15

Mar Rojo kotar Faraonan jakenacapar jakontiriru: qhuyapayasiñapajj wiñayawa.

Salmos 78:53

Wali thuriñchat jupanacarojj irpäna, jan ajjsarayasipjjañapataqui, timanacaparusti lamar kotaw p'amp'antäna.

Isaías 10:26

Take ch'amani Tatituw jupanacarojj mutuyaraquini, cunjämtejj Madianarojj Oreb karka jac'an atipjcänjja uqhama, Asiriataquisti ch'amapwa uñacht'ayaraquini, cunjämtejj Egiptotaquejj uñacht'aycän uqhama.

Deuteronomio 11:4

ucatsti cunjämtï lurqui egipcio ejercitoru, caballonacaparu, nuwasiñ carronacaparu uqhamaraqui cunjämsa Mar Rojo sat umanacaru chhaktayäna, cunapachatï jupanacajj jumanacaru khepat arctanipjjayätam ucqhajja. Diosaw jupanacarojj jan mayampitaqui t'unjäna.

Hebreos 11:29

Iyawsäwi laycuraquiw israelitanacajj wañäcaspas uqhama Mar Rojo sat kotjja pasapjjäna; cunapachatejj egipcionacajj uqham pasañ munapjjaraquïn ucqhajja, umaw jupanacarojj jiwarayjjäna.

Josué 24:7

Jupanacasti nayaruw mayipjjetäna, ucatsti nayaw jumanacampi egipcio jakenacampi taypirojj ch'amact'aytjja, uqhamaraquiw uca kotan umanacsa jupanac patjjaru antutt'äyäta. Jumanacasti uñjapjjtawa take cuntï Egipto marcan lurcta ucanacatjja. ‘Ucatsti jumanacajj walja maranacaw wasaran sarnakapjjtajja.

Josué 4:18

Cunapachatejj sacerdotenacajj Jordán jawirat mistunipjjäna, waña orakeru tact'apjjän ucqhajj jawiran umapasti waliw jaljjäna, jawiratsa purapar jilarasa.