Éxodo 13:19 - Qullan Arunaca

Moisesasti sarjjasinjja apawayjjaraquïnwa Josean ch'aqhanacapjja. Joseasti jaccasinjja israelitanacarojj juramento lurayäna uqhama lurapjjañapataquejja, sänwa: “Diosaw jumanacarojj yanapapjjätam, ucampis nayan ch'aqhanacajj-jja acatjja apawayjjapjjätawa” sasa.

Aymar Bibliia 1986

Moisesasti sarjjasinjja apawayjjaraquïnwa Josean ch'aqhanacapjja. Joseasti jaccasinjja israelitanacarojj juramento lurayäna uqhama lurapjjañapataquejja, sänwa: “Diosaw jumanacarojj yanapapjjätam, ucampis nayan ch'aqhanacajj-jja acatjja apawayjjapjjätawa” sasa.

Qullan Arunaka DC

Moisesasti Josean ch'akhanakap apasxäna. Joseaw janïr jiwkasin israelitanakarux juramento lurayatayna ukham phuqhapxañapataki, jupanakarusti akham satayna: “Diosaw jumanakar yanapir jutani; ukhamäni ukkhasti, nayan ch'akhanakax akat apasxapxätawa” sasa.

Éxodo 13:19 Jak'a apnaqawi uñst'ayäwi

Génesis 48:21

Ucjjarusti Josearojj saraquïnwa: —Nayajj jiwañampëjjtwa; ucampis Diosaw jumanacampïsqui, ucatsti nayra tiempo awquinacaman orakeparus cuttayjjapjjaraquïtamwa.

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Lucas 1:58

Uta jac'anacapasa, uqhamarac familianacapasa yatipjjänwa Tatitojj jupat qhuyapayasitapa. Ucat jupanacajj Elisabetampejj wal cusisipjjäna.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Hechos 7:15

Uqhamatwa Jacobojj Egipto marcan jacasïna. Ucanaracwa jupasa, uqhamarac jiwasan nayra awquinacasas jiwjjapjjäna.

Hechos 7:16

Jacobon ch'aqhanacapasti jaya maranac khepatjja Siquem sat oraker apatajjänwa. Abrahamajj Hamur sat jaken wawanacapat alcataynasa, uca sepulturaruw uchjjapjjaraquïna.

Hebreos 11:22

Iyawsäwi laycuraquiw Joseajj jiwañampëjjasinjja säna: “Israelitanacajj Egipto marcat mistjjapjjaniw” sasa, uqhamarac ch'aqhanacapampejj cuntejj lurasiñapäcänjja ucs sawayaraquïna.

Josué 24:32

Israelitanacajj Egipto marcat apanita Josean ch'aqhanacapjja Siquem sat marcaruw imantjjapjjäna, cawquïri orakenactï Jacob chachajj alcatayna patac kollkenacampi Hamor chachan wawanacapata, cawquïritï Siquem chachan awquipäcän ucata. Ucatsti uca orakenacajj Josean wawanacaparuw wact'araquïna.