Éxodo 12:27 - Qullan Arunaca

jumanacajj sapjjätawa: ‘Aca uywasti Tatitur jach'añchasina Pascuan sacrificiot loktatawa. Jupasti cunapachatejj egipcionacaru jiwaraycäna ucqhajja, Egipto marcan jacapcäna uca israelitanacan utanacapsti pasawayaquïnwa, uqhamatwa take familianacasaru khespiyäna’ ” sasa. Ucatsti israelitanacajja alt'asisinwa yupaychapjjäna.

Aymar Bibliia 1986

jumanacajj sapjjätawa: ‘Aca uywasti Tatitur jach'añchasina Pascuan sacrificiot loktatawa. Jupasti cunapachatejj egipcionacaru jiwaraycäna ucqhajja, Egipto marcan jacapcäna uca israelitanacan utanacapsti pasawayaquïnwa, uqhamatwa take familianacasaru khespiyäna’ ” sasa. Ucatsti israelitanacajja alt'asisinwa yupaychapjjäna.

Qullan Arunaka DC

jumanakasti sapxätawa: ‘Aka uywax Tatitusar jach'añchas luqtata Pascua wilañchawa. Kunapachatix jupax Egipto uraqpachan thiyat thiya sarkäna egipcionakan jilïr tayna yuqall wawanakapar jiwarayasaxa, jiwasan utanakasxa janiw kamachkänsa, sarakipawayakïnwa, ukhamat wila masinakasar jiwañat qhispiyäna’ ” sasa. Moisesax parlañ tukuykän ukapachasti, israelitanakax taqpachaniw killt'asis Tatitur yupaychapxäna,

Éxodo 12:27 Jak'a apnaqawi uñst'ayäwi

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

2 Crónicas 20:18

Ucatsti Josafat reyejj quillt'asisinwa p'eke parapampi oraker puriñcama alt'asïna, uqhamaraquiw Judá orakenquiri, Jerusalén marcanquiri jakenacasa quillt'asipjjaraquïna Tatitun nayrakatapana yupaychañataqui.

2 Crónicas 29:30

Ucatjja Ezequías reyejja, autoridadanacampejja levitanacarojj sapjjänwa: Tatiturojj yupaychapjjam Davidana, Asaf profetana salmonacapampi, sasa. Jupanacasti wali cusisiñampiwa k'ochupjjäna, uqhamarac quillt'asipjjaraquïna yupaychasina.

Nehemías 8:6

Ucatjja Esdrasajj take ch'aman Tatit Diosaruwa yupaychäna, ucatsti take jakenacawa amparanacapa altor loktasina arsupjjäna: “¡Uqhamäpan! ¡Uqhamäpan!” sasa. Ucatjja orakeru parampi jiquisiyañcamaw alt'apjjäna, ucatsti Tatiturojj yupaychapjjänwa.

Salmos 44:1

Diosay, jinchunacajjampiw ist'apjjta, awquinacajjaw yatiyapjjetu: urunacapan luräwinacamata, nayra pachanacan luratanacamata.

Salmos 78:5

Diosaw Jacobotaquejj mä thac uñstayäna, Israel marcaruw camächit arunac churäna: jupaw nayra awquinacasarojj mayïna, wawanacapar yatichañataqui,

Éxodo 10:2

Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Éxodo 12:11

Aqhamaw mank'apjjät; isinacamampi isthapita, cayunacamarusa wisqhumpi wisqhuntata, uqhamarac amparanacamarus thujru ayt'ataraqui. Jumanacasti mäquiw mank'antapjjäta Tatitojj uca pascua fiestan jilïri wawanacar jan jiwarayatap laycu.

Éxodo 12:23

Tatitusti egipcionacaru jiwarayir jutasinsti, uta puncuna wila uñjasinjja pasawayaquiniwa uca utjja, uqhamatwa Tatitojj jani jiwjja utanacamaru mantayancaniti jiwayañataquejja.

Éxodo 12:28

Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:8

Uca urusti wawanacamarojj sapjjätawa: ‘Acasti lurasiwa cunapachatejj Tatitojj jiwasaru Egiptota apsunquistu uc amtasiñasataqui’ sasa.

Éxodo 34:25

“Animalanac sacrificio loktañataquisti, janiw wilampi, levaduran t'ant'ampejj loktañatac apthapïtati, ni pascua fiestan sacrificio loktatäqui ucan jilt'anacapsa khepärmanthitaquejj imaraquïtati.

Éxodo 34:8

Ucat Moisesajj mäquiw quillt'asisa p'eke parapsa orakeru alnokasin Tatituru yupaychäna:

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

1 Corintios 5:7

Cawquiritï juchar apapctam uca nayra levaduratjja k'omachasipjjam, uqhamata jumanacajj Pascuan mank'añäquis uca t'ant'jam tucupjjañamataqui. Uca t'ant'asti janiw levaduranïquiti, machak suma jac'ut lurataraquiwa, jumanacasti chekpachansa uqhamäpjjaractawa. Cristoraquiwa jiwas laycu sacrificion jiwawayi, juparaquiwa Pascua Corderosajja.

Deuteronomio 16:2

“Uca Pascua fiestanjja Tatitu Diosamarojj loktapjjätawa vacanaca, ovejanaca, cawqha chekarutejj jupajj utjäwipa ajllisini uca chekana.

Deuteronomio 16:5

Janiraquiw jumanacajj cawqha chekansa Pascua fiesta lurapjjätati cawquïri oraktï Tatitu Diosamajj churapctam uca marcanacanjja,