Éxodo 11:3 - Qullan Arunaca

Tatitusti egipcionacarojj suma munasiñ chuymanwa tucuyäna, uqhamata israelitanacan mayitanacaparu churapjjañapataqui. Faraonan sirvirinacapasti Moisesarojj mä jach'a jilïri jaketa uñt'apjjäna, uqhamarac take egipcionacasa.

Aymar Bibliia 1986

Tatitusti egipcionacarojj suma munasiñ chuymanwa tucuyäna, uqhamata israelitanacan mayitanacaparu churapjjañapataqui. Faraonan sirvirinacapasti Moisesarojj mä jach'a jilïri jaketa uñt'apjjäna, uqhamarac take egipcionacasa.

Qullan Arunaka DC

Tatitusti egipcionakarux suma munasiñ chuyman tukuyäna, ukhamat israelitanakan mayitanakapar yänak churañapataki. Ukhamarus faraonan yanapirinakapax Moisesar wali yäqañampiw uñjapxäna, ukhamarak Egiptonkir taqpach jaqinakasa.

Éxodo 11:3 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 39:21

Tatitojj Joseampïscaquïnwa, munasiñapsa uñacht'ayaraquïnwa, cárcel uñjirimpis Joseajj wali sumancänwa,

2 Samuel 7:9

Cawquirutejj sarcäyätas ucansa juma chicaraquiw sarayätjja, take uñisirinacamatejj jumaru maqhatapcäyätam ucanacarusa k'alwa tucjaractjja, ucjjarusti jach'aruw aptaracsma, cunjämatejj acapachan jach'a jilïri jakenacajj tucupjje uqhama.

Ester (hebreo) 9:4

Mardoqueosti reyin palaciopanjja mä jach'a jilïrïnwa, uqhamätapsti take provincianacanwa yatipjjäna, ucampis jupajja uruta urunjamaw ch'amani munañani tucüna.

Salmos 106:46

jupanacar catuntat anaquirinacaruw qhuyapayasiñamp uñjäna.

Éxodo 12:35

Ucampis israelitanacajj Moisesan arunacaparjamasti egipcionacatjja mayiwayapjjänwa korita, kollketa lurat yänaca, uqhamarac isinacsa.

Éxodo 12:36

Tatitusti egipcionacarojj suma chuymanwa tucuyäna cuntejj israelitanacajj maycäna ucanaca churañapataqui. Uqhamatwa israelitanacajj egipcionacarojj jan cunani jaytawayapjjäna.

Éxodo 3:21

Ucampis, nayaw egipcionacarojj suma chuyman tucuyäjja, jumanacaru suma uñjapjjañapataqui, cunapachatejj sarjjapjjäta ucqhajja, jani jan cunan sarapjjañamataqui.

Isaías 60:14

Qhitinacatejj jumaru t'akhesiyapcäyätam ucanacan wawanacapasti juma nayrakataruw alt'ata jutapjjani, qhitinacatejj jisc'achapcäyätam ucanacasti cayunacamaruw quillt'asipjjani, sapjjaraquïtamwa: ‘Tatitun marcapa’ ‘Israelan Kollan Diosapan Sión kollupa’ sasa.

Hechos 7:22

Uqhamatwa Moisesajj wali suma yatichatäna, cawqhacamatejj egipcionacajj yatipcäna ucacama. Moisesasti wali ch'amanïnwa arsüwipana, luräwipansa.

Deuteronomio 34:10

Ucat sipansa janiw mayampis uca Israel marcanjja Moisés profetjamajj utjcjjänti, cawquïrimpitejj Tatitu Diosajj parlascäna ajanuy ajanu uqhamajja.

Deuteronomio 34:11

Uqhamaraqui cawquïri profetampitejj jach'a milagronaca, uñacht'äwinaca Tatitu Diosajj luräna Egipto faraonan marcaparu, jilïrinacaparu, take nacionpacharu qhitasina,

Josué 4:14

Diosasti uca urojj Josué chacharojj wali jach'a jaket uñt'ayäna israelit jakenacampejja, uqhamaraquiw respetayäna cunjämtejj Moisesar lurcäna take sarnakäwipana uqhama.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.