Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.
Éxodo 10:20 - Qullan Arunaca Ucampis Tatitojj faraonarojj chuymapwa kalarayäna, ucatsti janiw israelitanacarojj antutañ muncänti. Aymar Bibliia 1986 Ucampis Tatitojj faraonarojj chuymapwa kalarayäna, ucatsti janiw israelitanacarojj antutañ muncänti. Qullan Arunaka DC Ukampis Tatitux faraonan chuymap qalarayänwa, janiw israelitanakarux antutañ munkänti. |
Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.
Ucatsti Tatitojj inti jalanta toketwa wali thaya thayt'ayaniraquïna, ucawa t'ijut'ijunacjja apjjasina Mar Rojo sat kotaru jakontjjäna. Ucatsti janiw mä t'ijut'ijusa jilt'cänti.
Ucampis Tatitojj faraonarojj chuymapwa kalarayäna jan israelitanacar antutaña munañapataqui.
Ucat Moisesampi, Aaronampejj take uca muspharcañanacwa lurapjjäna faraonan nayrakatapanjja. Ucampis Tatitojj faraonarojj chuymapwa kalarayäna, ucatsti israelitanacarojj janiw antutañ muncänti Egiptota sarjjapjjañapataquejja.
Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.
Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.
Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.
Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.
“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.