ucjjar jilt'ir jakenacasti churapjjaraquïnwa patac sojjta tuncani kilo kori, waranka patacani kilo kollke, uqhamarac sojjta tunca pakallkoni sacerdote isinaca.
Esdras 3:1 - Qullan Arunaca Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna. Aymar Bibliia 1986 Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna. Qullan Arunaka DC Paqallqür phaxsi purinxäna ukkhaxa, israelitanakax markanakapan utjnuqatäxapxänwa, ukatsti taqiniw Jerusalenan tantachasipxäna. |
ucjjar jilt'ir jakenacasti churapjjaraquïnwa patac sojjta tuncani kilo kori, waranka patacani kilo kollke, uqhamarac sojjta tunca pakallkoni sacerdote isinaca.
“Ucatsti suma utt'ayatäjjänwa utjäwiparcama sacerdotenacasa, levitanacasa, puncu uñjirinacasa, k'ochurinacasa, marcanquir jakenacasa, templona sirvirinacasa, uqhamarac take Israel jakenacamppacha.”
Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.
Jupanacajj jicjjatapjjänwa uca leyi libronjja, Diosajj Moisés toke arscatayna lurañataqui, pakallköri phajjsi fiesta urunacanjja israelita jakenacajj chhujlla mankhena jacapjjañapäqui ucjjata.
“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.
“Israelitanacarojj aqham saraquim: Pakallko phajjsi sarakatarusti, jumanacajj samarañ uru uca phajjsi kalltanja lurapjjäta, ucatsti suma kollana tantachasïwi lurapjjaraquïta, amtasiñataqui, trompetanaca uca urojj phust'apjjaraquïta.
“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.
Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.
Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.
Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.
“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,
Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.