Esdras 10:6 - Qullan Arunaca

Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Aymar Bibliia 1986

Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Qullan Arunaka DC

Ukxarusti Esdrasax Tatitun utapat mistuwayxäna, Eliasib chachan Johanán yuqapan utaparuw sarxäna, ukansti uka arumax jan manq'ata, jan umt'ataw qhantatïna, jupax wali llakitapunïnwa, Babilonia markat kutt'anir jaqinakan jan jaysasirïpxatap layku.

Esdras 10:6 Jak'a apnaqawi uñst'ayäwi

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Esdras 10:7

Ucjjarusti Judá oraketa, uqhamarac Jerusalén marcatsa takeniw jawsayatäpjjäna Jerusalén marcaru, take qhitinacatejj jayaru apayatata cutt'anipcäna ucanacaru.

Esdras 9:4

Take qhitinacatejj Israelanquir Diosan mutuyäwiparu ajjsarapcäna, jayar apatata cutt'anipcäna ucanacan juchanacap laycu, ucanacajja nayaruw jakcattapjjetäna; ucampis nayajj kont'ataquiw wali llaquisiscäyäta sacrificio loktañ jayp'u horascama.

Nehemías 12:10

Josué ucasti Joiacim ucan awquipänwa, Joiacim ucasti Eliasib ucan awquipänwa, Eliasib ucasti Joiada ucan awquiparaqui,

Nehemías 12:22

Eliasib, Joiada, Johanán, uqhamarac Jadúa ucanacana urunacapana, uqhamarac Persanquiri rey Dariona marcar apnakcäna uca urunaccamajja, levitanacajja kellkatäpjjänwa familianacan jilïrinacapa, uqhamarac sacerdotenacasa.

Nehemías 13:28

Eliasib sumo sacerdoten Joiada yokapan maynïr yokapasti, horonita Sanbalat chachan tollkapänwa. Juparusti jaltaytwa nayan nayrakatajjata.

Nehemías 13:5

jupajj churataynawa mä jach'a uta, cawqhantï nayrapachajj ofrendanac imañäcäna, inciensonaca, yänaca, uqhamarac diezmonaca: trigota, vinota, aceiteta, levitanacar churañäcäna, k'ochurinacarusa, uqhamarac puncu uñjirinacarusa, ucjjarusti cunanacatejj sacerdotenacaru churañäcäna ucanacaraqui.

Nehemías 3:1

Ucatsti Eliasib sat sumo sacerdotempi, uqhamaraqui sacerdote jilanacapampejja asquichapjjänawa Ovejanacan puncupa satäquis ucqha. Jupanacasti viganacwa uchapjjäna, uqhamarac puncunacsa, ucatsti perkjja asquichapjjaraquïnwa Patac sat torret kalltasina, Hananeel sat torrecama.

Nehemías 3:20

Uca perksti asquicharaquïnwa Baruc sat chacha, jupasti Zabai sat chachan yokapa, esquinata kalltasina Eliasib sat sumo sacerdoten utapa puncupcama;

Job 23:12

Leyinacapsa, camachi arunacapsa phokhapuntwa, janiw nayan munañajjac lurascti.

Salmos 102:4

chuymajjajj aynacht'atawa, korar uñtataw wañsusqui; ¡janiw mank'as munasquituti!

Éxodo 34:28

Moisesasti Tatitumpi chicänwa pusi tunca uru, pusi tunca aruma jan mank'ata, uqhamarac jan umas umt'ata uqhama; jupasti kala tablanacaruw kellkascäna Diosan tunca camachi arunacapjja.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Deuteronomio 9:18

Ucatsti Tatitu Diosan nayräjjaparuw quillt'asta, cunjämatï nayrïrejja lurcäyäta uqhamaw pusi tunca urumpi pusi tunca arumampi ucancäyäta jan cuns mank'asa ni umasa, jumanacan jucha luratanacam laycu, cunampitejj Diosarojj ñankhachapjjta uqhamarac colerayapjjaracta.