Esdras 10:11 - Qullan Arunaca Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa. Aymar Bibliia 1986 Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa. Qullan Arunaka DC Ukhamasti awkinakaman Tatit Diosap nayraqatan juchanïpxatam uñt'asipxam, Tatitun munañap phuqhapxarakim. Yaqha diosanakar yupaychir jaqinakatsa, anqa markanakankir warminakatsa jithiqtapxam —sasa. |
Ezequiasasti take levitanacarojj: “Waliquiw” saraquïnwa, jupanacan Tatitur sirviñataqui wali suma amtäwipa uñacht'ayapjjatap laycu. Jupanacajj pakallk uru fiestana mank'apjjatapata, uqhamarac sumancäwi loktäwinaca loktatatsa, nayra awquinacapan Tatit Diosapar yupaychapjjatapatsa,
Ucatsti Esdras sacerdotejj sayt'asisinjja sänwa: —Jumanacasti jaya marcanquir warminacampi casarasisajja juchwa lurapjjta, uqhamata Israelan juchapa jiljjatayasa.
Ucjjarojja take jakenacawa mayaqui jach'at arsupjjäna: —Jïsa, lurapjjäwa cuntï jumajj sapquitäta ucjja.
Jichhasti nanacajj arsusipjjäwa uca yakha marcanquir warminacajjaru qhithanucjjañataqui, wawanacapamppacharu, ucatsti phokhatäpan leyejja, cunjämatï jumasa, uqhamarac qhitinacatejj Tatitun camachi arunacapa phokhapqui nanacar amuyt'ayasa ucarjama.
Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.
Uqhamasti, leyejj cuntï siscäna ucanac ist'asinsti, Israel marcatjja yakhachapjjänwa take qhitinacatejj jaya marcat jutir jakenacampi mayachascatayna ucanacaru.
Ucatsti jaya marcat jutir jakenacat jithektasinjja, sayt'asisinwa juchanacapa arsusipjjäna, uqhamarac nayra awquinacapan juchanacapatsa.
Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.
Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.
Tatitusti siwa: “Eunuco jakenacatejj nayan samarañ urojja imapjjanejja, munañajjsa phokhapjjaraquinejja, arust'äwinacajjansti sum sayt'asipjjaraquinejja,
Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.
Cuntejj Tatitojj sisqui ucanaca, jupasti take ch'amaniwa, Israelan Diosaparaquiwa. Asquichasipjjam sarnakäwinacama, uqhamaraqui luräwinacamsa, nayasti ucatjja jumanacarojj aca oraken jacayasipcämawa.
Nayasti israelit jakenaca, sapakat mayniruw uñjapjjsma, luräwinacamarjama. Naya Tatituw ucjja arsta. Ñankha lurañanacamjja mäpita apanucupjjam, uqhamat jan jumanacpacha uca ñankha luräwinacam laycu jiwarascañataqui.
Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.
Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.
Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.
Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.
Diosasti jumanacarojj k'om tucuypan, sumaquiraqui take cunansa, munañapa lurasiñapataqui, jiwasampisti cuntejj lurañ munqui uc luristpan, Jesucristo toke. ¡Jesucristojj jach'achatäpan wiñayataqui! Uqhamäpan.
Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.