Efesios 6:21 - Qullan Arunaca

Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa.

Aymar Bibliia 1986

Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa.

Qullan Arunaka DC

Tatitun irnaqäwipan wal yanapasir munat Tíquico jilatasaw nayxat taqi yatiyapxätam, kunjämsa nayax jikxatasta ukanak yatiyapxarakïtam.

Efesios 6:21 Jak'a apnaqawi uñst'ayäwi

Hechos 20:4

Jupamp chicasti acanacaw sarapjjaraquïna: Bereanquir Sópater Pirro chachan yokapa, Tesalonicanquir Aristarco, Segundo, Derbenquir Gayo, Timoteo, Asianquir Tíquico uqhamarac Trófimo ucanaca.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

Filipenses 1:12

Jilatanaca, munaractwa ac yatipjjañama: Cunanacatejj nayar pasquitu ucanacajja, chekpachansa mä yanapjamaw juti, uquïpanracwa khespiyasiñ yatiyäwejj juc'ampi sarti.

Colosenses 1:7

Aca arunacsti jiwasan Epafras sat munat jilatasaw yatichapjjtamjja, jupasti nanac chicaw irnakaraqui, jumanacasti mä suma Tatitun sirviripatracwa juparojj uñt'asipjjtajja.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 4:12

Tiquicorojj Efeso marcaruw qhitjjta.

Tito 3:12

Cunapachatejj qhitancäma Artemasaru jan ucajj Tiquicorusa ucapachajja, jutañamapuniwa nayamp Nicopolisan jiquisiri, juyphi horasasti ucancañwa amtasta uca laycu.

Filemón 1:16

janiw mä esclavjamati jan ucasti mä esclavot sipansa juc'amp suma, mä munat jilarjama. Nayajj wal juparojj munasta, ucampis jumajj juc'ampwa juparojj munaspachäta; janiw mä jakerjamaquiti jan ucasti Tatitunjja mä jilarjama.

1 Pedro 5:12

Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.

2 Pedro 3:15

Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.