¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.
Efesios 3:21 - Qullan Arunaca ¡Jach'añchatäpan Diosajja iglesia taypina Cristo Jesús toke, wiñayan wiñayapataqui! Uqhamäpan. Aymar Bibliia 1986 ¡Jach'añchatäpan Diosajja iglesia taypina Cristo Jesús toke, wiñayan wiñayapataqui! Uqhamäpan. Qullan Arunaka DC ¡Iglesiansti Diosax Jesucristo tuqi jach'añchatäpan, wiñayansa wiñayapataki! Ukhamäpan. |
¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.
Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.
kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!
Tatiturusti jach'ar aptapjjpan, jupan jach'a cancañapsti kota token utjir marcanacan yatiyapjjpan.
Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.
Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]
“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”
Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”
¡Jupa sapa yatiñ cancañani Diosaruqui jach'achatäpan, Jesucristo toke wiñayataqui! Uqhamäpan.
Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.
Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu.
Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.
Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.
ucat takeni arsuñapataqui Jesucristojj Tatitütapa, Dios Awquejj jach'achatäñapataqui.
Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.
Diosasti jumanacarojj k'om tucuypan, sumaquiraqui take cunansa, munañapa lurasiñapataqui, jiwasampisti cuntejj lurañ munqui uc luristpan, Jesucristo toke. ¡Jesucristojj jach'achatäpan wiñayataqui! Uqhamäpan.
Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.
Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.
Juparuya yupaychañasa, jach'a cancañasa, ch'amasa, uqhamarac munañanïñasa churatäpan Tatit Jesucristo toke wiñayan wiñayapataqui. Uqhamäpan.