Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.
Efesios 3:12 - Qullan Arunaca Cristo tokewa Diosar jan ajjsarasina jac'achasiñasajj utji, jupar iyawsctansa uca iyawsañampi. Aymar Bibliia 1986 Cristo tokewa Diosar jan ajjsarasina jac'achasiñasajj utji, jupar iyawsctansa uca iyawsañampi. Qullan Arunaka DC Cristo tuqiw Diosar jan axsaras jak'achasiñasax utji, jupar iyawsañatak churkistu uka iyawsañampi. |
Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.
Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;
Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.
Uca toketjja janiw cuna pächasiñas utjquiti, Cristo toke Diosar catuyasipjjatajjata.
Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.
Uqhamajj janiy iyawsañanacamjja chhaktayasipjjamtejja, uca iyawsañasti mä jach'a wajjt'äwi utjayani.
Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.
Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.
Jichhasti wawanaca, mayac Cristompi sayt'apjjam, uqhamat juparu iyawsañampi catokañäni cunapachatejj wastat uñstancani ucqhajja, jupan nayrakatapan jan p'enkachat uñjasipjjañasataqui.
Uqhamasti munat jilatanaca, chuymasatejj jan juchañchcchistu ucajja, iyawsañasaw utjistu Diosan nayrakatapana;