Efesios 2:15 - Qullan Arunaca

Cristojj pachpa janchipanwa leyejj cuntejj siscäna ucjja tucuyawayi. Paypach marcsti mä sapa machak marcaruquiw tucuyaraqui, juparu mayachataraqui. Uqhamwa sumancañjja utjayawayi.

Aymar Bibliia 1986

Cristojj pachpa janchipanwa leyejj cuntejj siscäna ucjja tucuyawayi. Paypach marcsti mä sapa machak marcaruquiw tucuyaraqui, juparu mayachataraqui. Uqhamwa sumancañjja utjayawayi.

Qullan Arunaka DC

Cristox kunatix kamachin arsutäkäna ukanak chhaqtayawayi, ukatsti jupa tuqiw uka pä tamatxa, mä sapa machaq marka utt'ayawayi. Ukhamat sumankañax utjawayi.

Efesios 2:15 Jak'a apnaqawi uñst'ayäwi

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

Gálatas 3:10

Qhitinacatejj Moisesan leyiparu catuyasipqui ucanacajja maldicitäpjjewa. Kellkatansti aqham siwa: “Take qhitinacatejj ley libron kellkatäqui ucanacarjama janipun phokcchi ucajja, maldicitäpjjewa.”

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 6:15

Circuncidatäñasa, jan circuncidatäñasa, janiw cunataquis asquïquiti, ucampis machak jakenac tucuñasaw waquisejja.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 2:14

Cristow sumancayirisajja, jupajj judionacsa jan judionacsa mä sap marcacwa tucuyawayi cawquïr uñisiñatejj mä perkjama jaljcäna uc t'unjasina.

Efesios 2:16

Uqhamatwa Cristojj crusan jiwasina paypach marcan ch'ajjwanacap tucuyawayi, Diosampis sumancayaraqui, jupanacat mä sapa cuerporu tucuyasina.

Efesios 4:16

Cristo laycuw takpach cuerpojj suma yäparu uchata, jupanacpura mayaru tucutaraqui. Cunapachatejj takpach cuerpojj sum sarasqui ucajja, takpachaw munasiñanjj jiltaraqui.

Colosenses 2:14

Diosaw take jucha manusjja phokhawayjje. Uca juchasti jiwasarojj leyirjamajj juchañchistänwa. Crusar ch'accatasaw uca manusjja phokhawayjje.

Colosenses 2:20

Jumanacajj Cristomp chicaw jiwjjapjjtajja, take jakenacan amtatanacapatjja jithektasjjapjjaractawa take cunanac toketsa. ¿Cunataraqui jichhasti acapacha jakenacjam jacasipctasti jaken amtatanacapar ist'asasti,

Colosenses 3:10

Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

Colosenses 3:15

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.

Hebreos 7:16

Ucasti janiw sacerdotëñarojj purquiti mä familiat jutañapaw sisqui uca leyitjja, jan ucasti jan t'unjasir jacañan ch'amapatwa juti.

Hebreos 8:13

Cunapachatejj mä machak arust'äwit Diosajj parlqui ucqhajja: “Nayrirïqui ucajj merk'ëjjew” siwa; ucatsti cunatejj niya merk'stasquejja ucajj janc'aw tucusjjani.

Hebreos 9:23

Ucatpï waquisïnjja aca sacrificionaca utjañapajja alajjpachat yatekasit yänaca k'omachañataqui, ucatsipan alajjpach yänacajj ucats juc'amp suma sacrificionac muni.