Efesios 1:23 - Qullan Arunaca

Uqhamajj iglesiajj pachpa Criston cuerpopawa, Cristojj take cunawa, Cristojj take cunwa phokt'araqui.

Aymar Bibliia 1986

Uqhamajj iglesiajj pachpa Criston cuerpopawa, Cristojj take cunawa, Cristojj take cunwa phokt'araqui.

Qullan Arunaka DC

Ukhamasti iglesiax Criston janchipar uñtatawa, iglesiax Cristot aski kankañap katuqi, Cristox taqi kun phuqt'araki.

Efesios 1:23 Jak'a apnaqawi uñst'ayäwi

Juan 1:16

Takeniw jach'a kamir cancañapatjja catoktanjja, bendicionat bendicionjjaru.

Romanos 13:5

Uca laycupï waquisejja autoridadanacar jaysañajja, janiw mutuyäwi jan catokañataquiquiti, jan ucasti chuymasatjama.

1 Corintios 12:6

Cunayman toket lurañanacajj utjaraqui, ucampis mä sapa Diosaquiw take cuns jakenacampejj luri.

1 Corintios 15:28

Cunapachatejj take cunas Criston munañapancjjanejja, Cristojj Diosan Yokapäcasinjja, Dios Awquiruraquiw catuyasjjani, Diosajj juparu take cuna catuyatap laycu. Uqhamatwa Diosajj take cunjjarus munañanïni.

Efesios 2:16

Uqhamatwa Cristojj crusan jiwasina paypach marcan ch'ajjwanacap tucuyawayi, Diosampis sumancayaraqui, jupanacat mä sapa cuerporu tucuyasina.

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.

Efesios 3:19

Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

Efesios 4:10

Cawquïritejj sarakcänjja uca pachparaquiw alajjpachanacat juc'amp alayarojj maqhatäna, jupan jach'a cancañapampi take phokhantañataqui.

Efesios 4:12

Uqhamwa jupan luräwinacap lurapjjañapataqui jupanquirinacarojj waquicht'i, Criston cuerpop jiltayañataqui.

Efesios 4:13

Uqhamat takenis iyawsäwinjja mayaquïñaru puriñasataqui, uqhamarac Diosan Yokaparu uñt'añansa. Ucatsti ch'amani jakenacaw tucuñäni, Cristojj kawkch'äquitejj ucar puriñascama.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

Colosenses 2:19

Jupanacajj qhititejj p'ekëqui uca Cristompejj janiw mayaquïpquiti. Uca p'ekesti take cuerppachracwa jiltayi jacayasa, uqhamarac mayar tucuyasa Diosan amtataparjama.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

Colosenses 3:15

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.