Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’
Efesios 1:21 - Qullan Arunaca take munañaninacjjaru utt'ayasa, marca apnakerinacjjaru, autoridadanacjjaru, ch'amaninacjjaru, cunatejj utji jichhürunacansa, khepa urunacansa utjcani ucanacjjarusa. Aymar Bibliia 1986 take munañaninacjjaru utt'ayasa, marca apnakerinacjjaru, autoridadanacjjaru, ch'amaninacjjaru, cunatejj utji jichhürunacansa, khepa urunacansa utjcani ucanacjjarusa. Qullan Arunaka DC taqi munañaninakxar utt'ayasa, jilïrinakxaru, marka apnaqirinakxaru, taqi kunatix jichhürunakansa, qhipa urunakansa utjkani ukanakxaru. |
Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’
Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.
Janiw yakha qhitinsa khespiyasiñajj utjquiti. Janiraquiw acapachanjja yakha sutejj Diosan churata utjquiti, jakenacan khespiyasipjjañapataquejja.
Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.
Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.
Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.
jumanacasti Diosampi phokt'atäpjjtawa, Cristompi chicäjjapjjatam laycu. Jupaw take munañaninacarus apnake, uqhamarac ajayu ch'amanacarusa.
Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.
Diosan Yokapajj angelanacat sipans jilïriw tucu, jupasti herencianjja jupanacat sipansa juc'amp jach'a suti catoke.
Diosajj janiw angelanacan munañaparu uscquiti, cawquïrittejj parlasctan uca khepa orakjja.
Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.
jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.