Eclesiastés 9:11 - Qullan Arunaca Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri. Aymar Bibliia 1986 Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri. Qullan Arunaka DC Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i. |
Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)
Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.
Jupasti sänwa: “Judá, uqhamaraqui Jerusalén marcan jaquir jakenaca, uqhamarac juma Josafat reyisa, Tatitusti aqham sapjjtamwa: ‘Jan ajjsarapjjamti, janiraqui uca jach'a ejército uñjasinsa sustjasipjjamti, aca nuwasiñajja janiw jumanacancquiti, jan ucasti Diosanquiwa.
Ucampisa Diosatejj amuct'aspa ucapachasti ¿qhitiraqui juchañchaspa? Diosatejj maysa uñtaspa ucapachasti ¿qhitirac uñjaspa? Jupajj marcanacarusa, jakenacarusa uñjascapuniwa,
Ch'aman jakenacajj jakonucutäpjjänwa, nuwasir jakenacajj janiw nuwasirjamäpcänti, ¡jupanacajj wiñayataquiw icjjapjjäna!
Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,
Ucatsti amthapisiractwa yatiñata, pisi amuyt'anïñata, uqhamarac pisi amuyt'anjam parlañatsa. ¿Cunat juc'ampsa luraspa nayjjaru reyïcani ucajja, janiti nayra cunatejj luratäcäna ucaquïcanejja?
Amuyaractwa take cuntï Diosajj lurqui ucajja wiñayäniwa. Ucarojja janiw yapjjatatäcaniti, janiw apakatäcaraquinisa; Diosaw uqham luri, ucarojj ajjsart'añampi uñjatäñapataqui.
Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”
Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.
Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.
Sum uñjam cuntï Diosajj lurqui ucjja, ¿qhitis asquichaspa cuntï jupajj lurqui ucjja?
Uqhamasti uca pachpawa takenirusa suyt'asqui asqui jakerusa, jucharar jakerusa, suma jakerusa jan wali jakeru, k'omaru jan k'omaru, sacrificio churirirusa jan churirirusa; uca pachparaquiw suyt'asqui suma jakerusa, jucharar jakerusa, juramento luririrusa, jan luririrusa.
Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.
¡Wali jalirinacajj janiw jaltjjañataquejj ch'amanïpquiti, janiraquiw jaltañataquejj chamanïpquiti jan ajjsariri jakenacasa! Amsta tokenwa, Eufrates jawir jac'ana lanctasipjje, liwirtapjjaraqui.
“Moab marcasti jan siscpati: ‘Jiwasajj jan cuna ajjsariri jakenacäpjjtanwa, guerransa nuwasiri ch'amani jakenacäpjjtanwa’ sasajja.
Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.
Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’
Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.
Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.
Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.
“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.
Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.
Uqhamwa Davidajj filisteo chacharojj atipjäna. Mä k'orawampi, mä kalampiquiw Davidajj filisteo chacharojj jiwt'ayäna, jan espadampiqui,
Ucampisa wali uñch'uquipjjaraquim, uca carretatejj Bet-semes sat orakep tokeru sarjjanejja, ucapachajj yatiñäniw Israelan Diosapajj jiwasar mutuyatapa, ucampisa janitejj orakep tokeru sarcani ucapachajj yatiraquiñäniw mutuyäwisajj jan Israelan Diosapat jutatapa, jan ucasti mä jan walt'añaqui jiwasar jutatapa.