Eclesiastés 11:5 - Qullan Arunaca

Cunjämatejj jumajj jan yatcta thayajj cawquirutejj sarqui ucjja, janirac cunjämasa wawajj taycapana puracapan jilqui ucsa, janiraquiw yatctati take cun lurir Diosan luratanacapatjja.

Aymar Bibliia 1986

Cunjämatejj jumajj jan yatcta thayajj cawquirutejj sarqui ucjja, janirac cunjämasa wawajj taycapana puracapan jilqui ucsa, janiraquiw yatctati take cun lurir Diosan luratanacapatjja.

Qullan Arunaka DC

Janiw jumax thayan kawksar saratapsa yatktati, janiw kunjämsa wawax taykapan purakapan jilki uksa yatktati, janirakiw Diosan kunjäm luratanakapsa yatktati.

Eclesiastés 11:5 Jak'a apnaqawi uñst'ayäwi

Job 37:23

Take ch'amani Diosajja janiw amuyt'añjamäquiti, jupajj jach'awa, ch'amani chekaparaquiwa; jupajj chekapawa, janiw qhitirus t'akhesiycaraquiti.

Job 38:4

¿Cawquincäyätas jumajja cunapachatejj nayajj aca orake utt'aycäyät ucapachajja? ¡Jumatejj chekpacha suma yatsta ucapachajj uca jisct'aru arusjjatita!

Job 5:9

¡jupajj muspharcäña jach'a luräwinacwa luraraqui, uca luräwinacapsti janiraquiw qhitis amuyt'caspati!

Salmos 104:24

¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa.

Salmos 40:5

Dios Tatay, muspharcañ luratanacamajj waljawa, nanacat qhuyapayasitamas waljaraquiwa: janiw qhitis jumjamajj utjquiti. Ucanacjjat yatiyañ yant'ta, arsuñ yant'aracta, nayataquisti janiw jact'añjamäquiti.

Salmos 92:5

¡Tatay, luratanacamajj sinti muspharcayawa, amtatanacamajj jan amuyt'cayawa!

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Eclesiastés 1:6

Thayajj aynach tokeruw thayt'ani, ucatsti amsta tokeruw muyjtaraqui. ¡Thayajj muytas muytasaw sari! ¡Thayajj muytaniwa, ucatsti wastata muyjtascaquiwa!

Eclesiastés 11:4

Thayar uñch'uquirejja, janiw yapuchcaniti, uqhamarac kenayar uñch'uquirisa, janiw achunac apthapcaniti.

Eclesiastés 3:10

Nayajj amuytwa Diosaw uca ch'ama tucuñanaca jakenacar churi, uca lurañanacan sarnakapjjañapataqui.

Eclesiastés 3:11

Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Eclesiastés 7:24

¡Take cunatejj utjqui ucjja janiw jicjjatcäyätti! ¡Wali ch'amawa, janiw qhitis amuyt'caspati!

Isaías 40:28

¿Janit yatipctasti, janit ist'cta? Tatituw, wiñay Diosajja, aca orakpacha lurirejja, janiw jupajj ch'amtayquiti, janiraquiw karjasquisa, yatiñ cancañapasti jan tucusquiriwa.

Juan 3:8

Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Romanos 11:33

¡Cunja sumas Diosan yatiñ cancañapajja, munañapasa, amuyt'apasa! Janiw jupan amtäwinacapjja khanañchcsnati, ni jupan thaquipsa amuyt'caracsnati.