Daniel (hebreo) 6:8 - Qullan Arunaca Uca laycu, juma, jach'a reyejj, uca arsüwimjja apsupunim, sutimampisa kellkantaraquim jan mayjt'ayatäñapataqui, cunjämäquitejj medo, persa jakenacan leyinacapajj uqhamarjama, ucasti janiw t'unatäcaraquispati, sasa. Aymar Bibliia 1986 Uca laycu, juma, jach'a reyejj, uca arsüwimjja apsupunim, sutimampisa kellkantaraquim jan mayjt'ayatäñapataqui, cunjämäquitejj medo, persa jakenacan leyinacapajj uqhamarjama, ucasti janiw t'unatäcaraquispati, sasa. Qullan Arunaka DC 8 (9) Ukhamasti, juma reyix uka arsüwim apsupunim, sutimamp qillqantarakim, jan mayjt'ayatäñapataki, kunjämäkitix medonakana, persanakan kamachinakapax ukhamarjama, ukasti janiw p'akintatäkaspati —sasa. |
Uqhamasti, reyitaqui waliquïchi ucajja, mä ley mistpana yatipjjañapataqui, uqhamarac uca decretojj Persia, Media uca marcanquir leyinacaparu kellkantataraquïpana, jani qhitins apsutäñapataqui: ‘Reina Vastisti janipuniw mayampis reyin ucarojj jutañapäcjjeti, jan ucasti reina sutejja yakha asqui warmiru churatäjjpan’ sasa.
Mara kallta phajjsina tunca quimsa uru sarakatarusti take reyin secretario kellkerinacapawa jawsayatäna. Jupanacajj kellkapjjänwa Amán chachajj mayqui provincianquir jilïrinacaru, uqhamarac take marcanquir jilïrinacaru ucanaca. Aca arsüwisti kellkatänwa sapa provincianacana, marcanacan lajjranacapata, uqhamaraqui rey Asueron sutiparu firmata, anillopampi sellantataraqui.
Take cartanacasti rey Asueron sutipampi firmantatänwa, uqhamarac sellopampi sellantataraqui. Ucatsti apayatänwa carta apirinacaru, ucsti reyin wali jalir caballonacapar lat'jjatawayasinwa jalayapjjäna.
Ucampis Ester reynajj wastatampiw reyimpi parläna, jupasti reyin cayupan nayräjjapan alt'asïna, jacht'asisaw achict'äna Amán chachan uca jan wali arsutapa ina pamparu tucuyañataqui, uca amtataparjamajja jan cunas judionaca contra lurasiñapataqui.
Jichhasti sapjjsmaw kellkapjjam nayan sutejjampi cunjämarutejj walïrjamäqui judionacataquejj uqhamarjama. ¡Ucatsti cartanacarojj reyin sellopampi sellantawayapjjam! —sasa. (Reyin sutipampi firmata, uqhamarac sellopampi sellantata cartasti janiw inamayaquïcaspati)
Jupanacajj asqui jaker ñankha lurañ amtapjje, jan juchan jaker jiwayañataquiw juchañchapjje.
¡Ay, cunaquïcan jumanacatjja, jan cheka leyinac apsurinaca, jan phokhañjam leyinac apsupjjaractajja,
PARSIN, ucasti sañ munaraqui: Juman reinomajj jaljtatawa, jichhasti medo, uqhamaraqui persa jakenacaru catuyataraquïniwa’ sasa.
Ucspachaw reyin ucaru sarapjjäna cuna arsüwtejj mistuyatäcäna ucat parliri, aqham sapjjaraquïnwa: —Juma, jach'a reyejj, mä arsüwi mistuytajja, ucasti aca quimsa tunca urunacanjja janiw qhitisa cuna diosarusa ni qhiti jakerusa mayisiñapäcänti jan ucasti juma jach'a reyiruquiwa, mayisiñapänjja, ucampisa qhititejj uca arsüwi p'aquintani ucajj leonanacan putuparu jakontatäniwa sasa, ¿janicha jan ucajj uqhamäquejja? —Uqhampunïsquiwa —sasaw reyejj ucjjarojj saraquïna. —Uca arsüwisti phokhasiñapapuniwa medo persa jakenacan leyinacaparjamajja, janiraquiw t'unatäcaspati —sasa.
ucampisa uca jakenacajj reyin nayrakataparojj wasitatwa uñstapjjäna, sapjjaraquïnwa: —Juma, jach'a reyejj, sumwa yattajja, medo uqhamaraqui persa jakenacan leyinacaparjamajj, cuntejj reyejj lurqui uca leyinacatjja janiw mayasa p'aquiscaspati ni pampachatäcaraquispasa —sasa.
Alajjpachampi acapachampejj tucusiniwa, ucampis arunacajjajj janiw tucuscaniti.