Daniel (hebreo) 4:23 - Qullan Arunaca Juma, jach'a reyisti, uñjaractawa alajjpachatjja mä kollan angelar sarakasinquiri, aqham sasa: ‘Uca kokjja liwinucupjjam, t'unjapjjaraquim, ucampisa pachpa orakeru jilt'ayapjjam troncompi saphinacampjja, hierrot, broncet lurata cadenanacampi ñach'antapjjaraquim, ucatsti pampa koranac taypiru apanucupjjam; jupjjarusti sullajj sullantaracpan, pampanquiri animalanacampi chica uca koranaca mank'aracpan pakallko mara phokhasiñapcama.’ Aymar Bibliia 1986 Juma, jach'a reyisti, uñjaractawa alajjpachatjja mä kollan angelar sarakasinquiri, aqham sasa: ‘Uca kokjja liwinucupjjam, t'unjapjjaraquim, ucampisa pachpa orakeru jilt'ayapjjam troncompi saphinacampjja, hierrot, broncet lurata cadenanacampi ñach'antapjjaraquim, ucatsti pampa koranac taypiru apanucupjjam; jupjjarusti sullajj sullantaracpan, pampanquiri animalanacampi chica uca koranaca mank'aracpan pakallko mara phokhasiñapcama.’ Qullan Arunaka DC 23 (20) Juma reyisti, uñjaraktawa alaxpachat mä qullan angelar saraqasinkiri, uka angelasti sarakïnwa: Uka quqa liwinukupxam, t'unjapxarakim, ukampis tunupampi, saphinakapampix pachpa uraqir qhiparayapxam; hierrota, broncet lurat cadenanakamp ñach'antasin pampa quranak taypir apanukupxam; ukarusti sullax sullxatarakpan, pampankir laq'unakamp chik quranak manq'pan, paqallq mara phuqhasiñapkama, sasa. |
Cuna arutejj utjcäna uca troncompi saphinacapjja pachpa orakeru jaytañataquejja, ucajj sañ muni Diosajj mä urojj juma jach'a reyirojj cuttayjjätamwa reinomjja, cunapachatejj jumajj amuyjjäta alajjpachanquiri jach'a Diosajj munañanïtapa take cunjjarusa ucapacha.
Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.
“Ucatsti ist'aractwa mä angelaru, yakha ángel masiparu jisct'asquiri: ‘¿Cunapachas aca sapa uru sacrificio loktasiñ chekan lurasqui uca luräwinacajj tucusjjani?. ¿Cunapachcamas aca Tatitun kollana lugarapajj juchararanacaru catuyatäni, uqhamaraqui Diosar iyawsir jakenacasa taquisitaraquïni?’ sasa.