Daniel (hebreo) 3:2 - Qullan Arunaca Uca khepatsti jawsayänwa take marca apnakerinacaru, ejerciton jilïrinacaparu, provincianaca apnakerinacaru, amawt'anacaru, kollke caturinacaru, juesanacaru, take jach'a jilïrinacaru take provincianacata, cuntejj jupajj luraycatayna uca jach'a diosar loktaña kalltayañataqui. Aymar Bibliia 1986 Uca khepatsti jawsayänwa take marca apnakerinacaru, ejerciton jilïrinacaparu, provincianaca apnakerinacaru, amawt'anacaru, kollke caturinacaru, juesanacaru, take jach'a jilïrinacaru take provincianacata, cuntejj jupajj luraycatayna uca jach'a diosar loktaña kalltayañataqui. Qullan Arunaka DC Ukatsti jawsayanïnwa, markanak apnaqirinakaru, ejerciton jilïrinakaparu, suyunak apnaqirinakaru, amuyt'ayirinakaru, qullqi katurinakaru, taripirinakaru, suyunakat taqi jach'a jilïrinakaru; jupax luraykatayna uka diosan luqtäwipan unkankapxañapataki. |
Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.
Mä jilïritejj c'ari arunacar ist'añ yatinejja, sirvirinacapajja jan walicamaquëjjaniwa.
Ucatsti take jilïri autoridadanacajj uca quimsa waynanacaru jac'achasisinsti, uñjapjjaraquïnwa, uca waynanacan janchipasti janiw ninampi jac'atäcänti, janiraquiw ñic'utapas naqharatäcänti, ni isinacapas naqhantatäcaraquïnti, janiraquiw nina ninasa k'aphipcaraquïnti.
Take uca jach'a jilïri jakenacasti uca yakha diosa nayrakataruw tantacht'asipjjäna, uqhamat uca diosa catuyañataqui.
Uca warminacasti diosanacapar sacrificionac loktapcän ucaruw jupanacarojj jawsapjjäna, ucatsti israelitanacajj mank'anacapatwa mank'apjjäna, uqhamaraquiw moabitanacan diosanacaparusa yupaychapjjäna.
Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.
Ucat filisteonacan jilïrinacapasti tantachasipjjänwa atipjasina fiesta lurañataqui, uqhamarac Dagón sat diosaparu sacrificio loktañataqui. Jupanacasti aqham sasaw k'ochupjjäna: “Jiwasan diosasawa catuyistu Sansón uñisirisarojja” sasa.