Ucjjarusti pusïri reinow jutaraquini, wali ch'amani mä hierror uñtata; cunjämatejj hierrojj take cunsa t'unji, tucjaraqui, uqhamaraquiw uca reinojj yakha reinonacarojj tucjani.
Daniel (hebreo) 2:41 - Qullan Arunaca “Juma, jach'a reyisti, uñjaractawa uca jaken chicat cayunacapasa, uqhamaraqui cayu luc'ananacapasa ñek'eta luratänwa, chicatasti hierrot lurataraqui; ucajj sañ muni uca reinojj payaru jaljtayatäniwa, mä toketjja hierrjama ch'amanïcchini ucasa, jumasti uñjtawa uca hierrojj ñek'empi quittatänwa. Aymar Bibliia 1986 “Juma, jach'a reyisti, uñjaractawa uca jaken chicat cayunacapasa, uqhamaraqui cayu luc'ananacapasa ñek'eta luratänwa, chicatasti hierrot lurataraqui; ucajj sañ muni uca reinojj payaru jaljtayatäniwa, mä toketjja hierrjama ch'amanïcchini ucasa, jumasti uñjtawa uca hierrojj ñek'empi quittatänwa. Qullan Arunaka DC “Juma reyisti uñjaraktawa, uka jach'a jaqin kayunakapax hierrompita, ñiq'impitänwa; ukasti qhip qhipa apnaqäwix payar t'aqxtatäniwa sañ muni. Marka apnaqäwix hierror uñtat ch'ullqhïniwa, ukampis ñiq'ir uñtat jan ch'amanirakïniwa. |
Ucjjarusti pusïri reinow jutaraquini, wali ch'amani mä hierror uñtata; cunjämatejj hierrojj take cunsa t'unji, tucjaraqui, uqhamaraquiw uca reinojj yakha reinonacarojj tucjani.
Uca jaken cayu luc'ananacapasti chicatajj hierrot lurata, chicatasti ñek'eta lurataraqui, ucajj sañ muni uca reinojj mä toketjja ch'amanïscaniwa, mä toketsti jan ch'amaniraqui.
Tunca wajjranacasti tunca reyinacaraquiwa, qhitinacatejj uca reino apnakapcani ucanaca. Jupanac khepatsti yakharaquiw tronorojj maqhatani, take nayrïrinacat sipansti mayjapuni, uca reyisti quimsaniruw jakokani.
“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.
Ucatsti yakha uñacht'äwiraquiw alajjpachanjja uñstäna: Mä jach'a dragón sat wila animalaraquiw uñstäna: ucasti pakallko p'ekenïnwa, tunca wajjran cuna, sapa p'ekerusti mä coronan asjjatata.
Kotat mistur uñjta mä jach'a ajjsarcañ animalaru, ucasti pakallko p'ekenïnwa tunca wajjran cuna. Sapa wajjrarusti mä coronaniraquïnwa, p'ekenacapansti Dios toke kellkat arunacaraquiw utjäna.
“Tunca wajjranaca uñjctas ucajja, jutiri tunca reyinacäsquiwa. Jupanacasti janïraw reinapquiti, ucampis mä horataquiquiw munañanïpjjani uca jach'a ajjsarcañ animalamp chica.