Daniel (hebreo) 1:5 - Qullan Arunaca

Uqhamarusa Nabucodonosor reyejj saraquïnwa uca waynanacarojj, sapa uruna pachpa reyin mank'añapa umañapa sirvipjjañapataqui, quimsa mara uca waynanacarojj yatichapjjañapataqui, uca quimsa mara pasatatsti jupanacajj reyir sirviñataquiw kheparapjjaraquini.

Aymar Bibliia 1986

Uqhamarusa Nabucodonosor reyejj saraquïnwa uca waynanacarojj, sapa uruna pachpa reyin mank'añapa umañapa sirvipjjañapataqui, quimsa mara uca waynanacarojj yatichapjjañapataqui, uca quimsa mara pasatatsti jupanacajj reyir sirviñataquiw kheparapjjaraquini.

Qullan Arunaka DC

Ukhamarusa Nabucodonosor reyix uka waynanakar sapüru jupan pachpa manq'añanakapa, vinonakapa churapxañapatakiw arsüna, ukhamaraki kimsa mara yatichapxañapataki, uka qhipat jupar luqtiritak qhiparxapxañapataki.

Daniel (hebreo) 1:5 Jak'a apnaqawi uñst'ayäwi

Génesis 41:46

Joseasti, cunapachatejj faraón reyin nayrakataparu irpapcän ucqhajj quimsa tunca maranïnwa. Joseasti faraonan ucat mistuwayjjasajja, take Egipto orakpachwa sarañ kalltäna.

1 Reyes 10:8

¡Cunja cusisitäpjjpachasa warminacamajja, uqhamarac cunja cusisitäpjjpachasa juman thiyamanpun isch'uquisipqui yatiñani arunacama ucanacajja!

2 Reyes 25:30

Ucjjarusti Joaquín chachajj take jacäwipanwa Babilonianquir reyita sapüru mank'ana catokäna.

2 Crónicas 9:7

¡Warminacamajj wali cusisitäpjjpachawa, uqhamarac sirvirinacamasa jumamp chicäsinjja yatiñan arunacamsa isch'uquipjjaracpacha!

Proverbios 23:3

jan uca suma mank'añanacapa ancha munarakamti, jumarojj pantjayasquiristamwa.

Jeremías 15:19

Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui.

Daniel (hebreo) 1:19

Reyisti jupanacampi, take waynanacampi parlasinsti uca taypinjja janiw maynsa jicjjatcaraquïnti Daniel, Ananías, Misael, uqhamaraqui Azarías uca waynanacjam ch'iqhinacjja, uca laycuw uca waynanacajj reyir sirviñataqui palaciopan kheparjjapjjäna.

Daniel (hebreo) 1:8

Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Mateo 6:11

Sapürutac mank'añ churanipjjeta.

Lucas 1:19

Angelasti sänwa: —Nayajj Gabrielätwa, Diosan munañap luririraqui. Jupaw nayarojj qhitanitu aca suma yatiyäwinac jumar yatiyañataqui.

Lucas 11:3

Sapürutac mank'añ churanipjjeta.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

1 Samuel 16:22

Saúl reyejj mä ewjja Isaí chachan ucarojj ewjjaraquïna, Davidan kheparañapataqui achict'asisa, Davidan wali suma waynätap laycu.