Daniel (hebreo) 1:11 - Qullan Arunaca Uqhamasti Danielajj mayordomompiw parläna, cawquïrirutejj reyin palaciopan sirvirinacan jilïripajj uñjañataqui jaytcatayna uca waynanacaru Daniel, Ananías, Misael uqhamaraqui Azarías jupanacaru, aqham sasa: Aymar Bibliia 1986 Uqhamasti Danielajj mayordomompiw parläna, cawquïrirutejj reyin palaciopan sirvirinacan jilïripajj uñjañataqui jaytcatayna uca waynanacaru Daniel, Ananías, Misael uqhamaraqui Azarías jupanacaru, aqham sasa: Qullan Arunaka DC Ukhamasti, Danielax reyi uta apnaqirimpiw parläna, juparuw jilïr jaqix Daniel, Ananías, Misael, Azarías uka waynanakar uñjañapatak katuyatayna, juparusti sarakïnwa: |
Ucampisa saraquïnwa: —Nayajj reyejjarojj ajjsartwa. Jupasti nayarojj saraquituwa cuntejj jumanacajj mank'apjjañamäqui, umapjjañamäcaraqui uca, ucampisa jumanacatejj uca mank'anaca jan mank'apcasma ucapachasti reyejj jumanacar uñcatasinjja inampisa mayni waynanacat sipan t'uqha jicjjatapjjeristam, ucapachasti nayarojj jiwayatäñataquiw catuyitaspa —sasa.
—Nayajj achict'assmawa aca sirvirinacamampejja yant'am: Aca tunca urunacanjja ch'ojjñanacaqui mank'añataqui churapjjeta, uqhamaraqui umaqui umt'asipjjaraquï.
Uqhamaw mayordomojj uca waynanacan mank'añapsa, umañapsa apasjjäna, ucat uca waynanacarusti ch'ojjñanacacwa mank'añataquejj churaraquïna.
Ucatsti Daniel waynajj janc'aquiw utaparu sarjjäna, jupampïpcän ucanacaruw yatiyaraquïna take ucanaca. Uca amigonacapasti Ananías, Misael, Azarías ucanacänwa;