Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.
Apocalipsis 8:13 - Qullan Arunaca Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!” Aymar Bibliia 1986 Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!” Qullan Arunaka DC Uñtaskakïyätwa, ukatsti mä pakaruw uñjta, alaxanjam tuyuskiri, wali jach'at sarakïna: “¡Ay! ¡Kunakïkan aka uraqin jakir jaqinakatxa, kunapachatix yaqha kimsa angelanakax trompetanakap phust'apkani ukapachaxa!” sasa. |
Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.
Uca amparajj nayan nayrakatajjanwa uca rolljja janatati, uca rollosti purapäjjaru kellksutänwa. Uca kellkanacasti jachañanaca, t'akhesiñanaca, ajjsarañanaca ucanacänwa.
Take angelanacaw ajayüpjje Diosar sirviñanjja, ucanacasti qhitinacatejj khespiyasiñ catokapcani ucanacar yanapt'añatac qhitanitäpjjewa.
Alajjpachanacasti ucan utjirinacasa cusisipjjam. Ucampis, ¡wali llaquisiñaraquiw oraken uqhamarac kotan utjirinacataquejja! Supayasti jumanacan ucaruw wali colerat juti, tiempopan juc'aquïtapa yatisina” sasa.
Ucatsti mä machak k'ochu k'ochupjjäna Tatitun tronop nayräjjana, uqhamarac uca pusi jacasquirinacan nayrakatapansa, uca pä tunca pusini jilïrinacan nayrakatapansa. Janiraquiw qhitis uca k'ochjja yatekañataqui ch'amanïcänti, jan ucasti patac pusi tunca pusini waranca, qhitinacatejj aca orake jakenac taypita khespiyatäcataynajj ucanacaquiw yatekapjjäna.
Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.
Ucatsti uñjaractwa mä ángel lupin sayt'atäsquiri, ucatsti jupajj take alajjpach jamach'inacaruw art'äna wali ch'amampi, aqham sasa: “¡Jutapjjam, tantacht'asipjjam Diosan jach'a mank'añaparu.
Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.
Ucatsti uñjaractwa pakallko angelanacaru Diosan nayrakatapancasquiri. Jupanacarusti pakallko trompetanacaraquiw churatäna.
Ucatsti pheskëri angelaw trompetap phust'asïna, ucatsti mä warawara alajjpachat jalaktasinquir uñjta. Uca warawarasti acapach orak mankha ch'amacan llavepa catokaraquïna.