Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.
Apocalipsis 21:24 - Qullan Arunaca Khespiyat marcanacasti uca marcan khanapanwa sarnakapjjani, acapach reyinacasti ucaruraquiw jach'a munañanïñanacapa apanipjjani. Aymar Bibliia 1986 Khespiyat marcanacasti uca marcan khanapanwa sarnakapjjani, acapach reyinacasti ucaruraquiw jach'a munañanïñanacapa apanipjjani. Qullan Arunaka DC Uka qhanapan markanakax sarnaqapxani, akapach reyinakasti uka qhanaruw qamir yänakap katuyapxani. |
Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.
Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,
Reyinacaw jumanacar uñt'asir awquinacamäni, reyinacan phuchanacapasti wawa uywirinacamaraqui. Jupanacasti juma nayrakatan orakcama alt'asipjjani, cayunacaman lak'anacapsa jallk'apjjaraquïtamwa. Ucapachaw jumajj nayan Tatitütajja yatïta, qhitinacatejj nayar iyawsapqui ucanacasti janiw c'arintata uñjasipquiti.”
uqhamaraquiw jichhajj muspharasipjjani; reyinacas jupar uñjasajj janiw cuns sapcaniti, cuntejj jupanacajj janipuni ist'apjjerïcatayna ucanac uñjapjjatapa, uqhamarac amuyt'apjjatap laycu.
“Cunjämatejj jallus, qhunus alajjpachat sarakanejja, janiraqui cutcatcjjeti, jan ucasti orakeruw chullunti, orakjja suma jasa tucuyi alinacsa mistuyaniraqui, jathas achuraqui yapuchañataquejja, t'ant'as mank'añataquejj utjaraqui,
Jan uñt'at marcanacaruw jumajj jawsäta; cawquïri marcanacatejj jan uñt'apcäyätam ucanacaw juman ucarojj jalanipjjani, naya juman Tatituma, Israelan Kollana Diosapa, jumaru jach'añchatajj laycu.
Tatitusti Jerusalenarojj siwa: “Líbano kollunquir kamir cancañanacasti juman ucaruw jutjjapjjani, pinonaca, abetonaca, uqhamaraqui ciprés sat kokanacasa, templojja c'achachañataqui, cawqharutejj tact'ascta uca cheka jach'achañataquiraqui.
Marcanacasti suma mank'anacapwa churapjjaraquïtam, reyinacasti kamir cancañanacapwa apanipjjaraquini; ucapachaw amuyaraquïta, naya Tatitojj juman khespiyirimätajja, naya, Jacobon Ch'amanipajja, jumar khespiyirïtajja.
sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.
Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.
Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.
Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.
“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”
Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.