Apocalipsis 2:22 - Qullan Arunaca Jichhajj uca warmirojj usuntayäwa, iquiñar jakt'añcama. Walrac t'akhesiyäjja jupamp wachoka jucha luririnacarusa, janitejj arrepientisipcani ucqhajja. Aymar Bibliia 1986 Jichhajj uca warmirojj usuntayäwa, iquiñar jakt'añcama. Walrac t'akhesiyäjja jupamp wachoka jucha luririnacarusa, janitejj arrepientisipcani ucqhajja. Qullan Arunaka DC Jichhasti, uka warmirux usuntayäwa, ikiñar jaqt'añkama, ukatsti jupan yatichäwinakapar jaysirinakampi, k'ari diosanakar iyawsirinakampix jiwarasipkpan. Ukampis jupanakatix kutikipstapxani, ukatsti nayar jaysapxarakitani ukaxa, janiw kuna jan walsa lurkäti. Ukhamat taqpach iglesianakax yatipxani, jaqin amuyupsa, chuymapsa nayan uñt'irïtaxa; jumanakarusti luräwinakamatjam sapaqat maynirus mutuyä. |
Inasa uqhamat Judá orakenquir jakenacajj cuna t'akhesiñanactejj jupanacjjaru apayaniña amtcta ucanac yatisajj, jan wali luräwinacapa apanucjjapjjchini, ucatsti nayajj jupanacarojj ñankha luratanacapatsa, jucha luratanacapatsa perdonjjaraquirista” sasa.
Jupanacasti wali uñisiñampiw jumarojj uñjapjjätam, cuntejj jumajj irnakatamampi jicjjatascta uca yänacamsti catuntasipjjaraquiniwa, k'alalpacharacwa irpanucupjjätam, janchimasti khana k'alalaraquïniwa, cawquïri janchimtejj jucha lurañanacaru catuycta uca.
Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’
Ucatwa sista: ‘Uqhamatwa Jerusalén marcajj ajjsartani, ewjja arunacajjsa ist'araquitaniwa, uqhamatwa utanacapas jan t'unjatäcaniti nayan mutuyatajj laycojja.’ Ucampis jupanacajj juc'ampi take casta juchanac lurañaruwa puripjje.
Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta.
Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta —sasa.
Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.
Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.
Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.
Acapachanquir reyinacasti, qhitinacatejj jupampi jucha lurasa jacapcän ucanacasti, jupar naqhantata uñjasajj wali jachapjjani, jaqhusipjjaraquini.
Jichhajj amuyt'asim cawqhattï liwisctas uca, ucatsti arrepientisim, cunjämtï kalltanjja sarnakcäyätas uqhamarac sarnakam. Janitejj arrepientisïtajj nayajj juma contraw sayt'ä, ucatsti candelabromjja apakaraquïmawa.