Apocalipsis 13:18 - Qullan Arunaca Acasti wali amuyt'añaw munasi. Qhititejj amuyqui ucajj uca ajjsarcañ animalan numeronacapjja amuyt'pan, uca numerosti mä jaken numeropawa, ucasti sojjta pataca sojjta tunca sojjtaniwa. Aymar Bibliia 1986 Acasti wali amuyt'añaw munasi. Qhititejj amuyqui ucajj uca ajjsarcañ animalan numeronacapjja amuyt'pan, uca numerosti mä jaken numeropawa, ucasti sojjta pataca sojjta tunca sojjtaniwa. Qullan Arunaka DC Yatiñ kankañax akankiwa: Khititix amuyt'ki ukax, uka axsarkañ animalan jakhüwip amuyt'pan, uka jakhüwisti jaqin jakhupawa, ukasti suxta patak suxta tunka suxtaniwa. |
Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.
Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.
“Daniel profetajj kellkänwa cunatejj jan wali lurirïqui, tucjirïcaraqui ucjjata. Cunapachatejj jumanacajj uqham lurañanaca jan waquisquir chekana (ac leet'irejj amuyt'pan) uñjapjjät ucqhajja; Judeanquirinacajj kollunacar jaltapjjañapawa.
Ucampis jiwasan jan wali luratanacasatejj asquïchejja Diosan asqui cancañap uñacht'ayañataquejja, ¿camsañänisa? ¿Diosajj jan waliti jiwasanacar juchanacas laycu mutuyatapajja? (Acanacjja mä jakjamaquiw parlta.)
(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)
Wali cusisiñaniwa qhititejj aca arunac leequi ucajja. Wali cusisiñanïpjjaraquiw qhitinacatejj Diosat catokat aca arunaca ist'apqui, uqhamarac uca arunacarjam sarnakapqui ucanacajja, uca urusti niya jac'äjjaraquiwa.
Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.
“Acanjja mayaw utji qhitinacatejj amuyt'apqui ucanacataqui: Uca pakallko p'ekejja pakallko kollunacaru uca warmejj kont'atäquis ucawa.
Ucatsti perkracwa tupt'äna, uca perkasti sojjta tunca pusini metroraquïnwa, acapach tupurjamaraquiw angelajj tupt'ascänjja.