Apocalipsis 10:4 - Qullan Arunaca

Cunapachatï uca pakallko k'ejjok'ejjonacajj pasjjäna ucqhasti, nayajj kellkañajjänwa, ucampis mä aru alajjpachat ist'ta aqham sasa: “Amuqui imjjäsim cuntejj uca pakallko khejjokhejjonacajj parlqui ucjja, janiraqui kellkamti” sasa.

Aymar Bibliia 1986

Cunapachatï uca pakallko k'ejjok'ejjonacajj pasjjäna ucqhasti, nayajj kellkañajjänwa, ucampis mä aru alajjpachat ist'ta aqham sasa: “Amuqui imjjäsim cuntejj uca pakallko khejjokhejjonacajj parlqui ucjja, janiraqui kellkamti” sasa.

Qullan Arunaka DC

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.

Apocalipsis 10:4 Jak'a apnaqawi uñst'ayäwi

Isaías 29:11

Take unañchäwinacasti jumanacataquejj mä kellkäcaspas uqhamaw tucu, mä papel llawthapitjama, jan ucajj jist'antatjamasa, maynitejj mä leeñ yatiriru churaspajja, ucatsti saraquispa: “Ac leet'am” sasa; jupasti saraquiniwa: “Janiw leet'quiristti, jist'antätatap laycu” sasa.

Isaías 8:1

Tatitusti saraquituwa: “Mä jach'a tabla aptasim ucatsti suma khana letranacampi kellkantaraquim: ‘Maher-salal-hasbaz’ sasa.

Isaías 8:16

“Aca arunacsti sum imapjjam; jan uñjañäwjaru aca yatichäwinacajja ejjwanacajja imjjäsipjjam.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 12:9

Jupasti nayarojj saraquituwa: ‘Daniel, jumajj sarañamjja sarascaquim, take acanacasti jan qhitiru yatiyasa imatäñapawa, tucuya horasajj purincani ucqhacama.

Daniel (hebreo) 8:26

“Jayp'u, uqhamaraqui alwa unañchäwi uñjatamasti niya khanañchatäjjtamwa, ucasti chekawa; ucampisa jumajj ucanacjja chuymamaruqui imaraquim, ucasti walja urunaca pasatatwa phokhasjjaraquini” sasa.

Deuteronomio 29:29

“Cawquïri arunactï jan yatctan ucanacajj Diosanquiwa. Cunatejj jiwasajj yatctan ucanacasti, jiwasana, wawanacasampina aca camachi arunacapar phokhañasawa, cawquïrtï jupajj khanañchawayistu ucanacaru.

Apocalipsis 1:11

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.

Apocalipsis 10:8

Cuna artï nayajj alajjpachat ist'cäyäta ucajja, wasitatwa nayampi parläna, aqham sasa: “Saram, cawquïr angelatejj kotampiru, orakjjampiru tact'atäquis ucaru, ucatsti amparapancquis uca jist'arat jisc'a libro catum” sasa.

Apocalipsis 22:10

Saraquituwa: “Cuna arunacatejj Diosa toket aca libron kellkatäquis ucjja jan imjjäsimti, horasasti purinjjewa phokhasiñapataqui.