Amós 4:8 - Qullan Arunaca Jakenacajj marcat marcraqui uma thakasajj sarapjjäna, umat pharjayasitanacapasti janipuniw apaktcänti; ucampis jumanacajj janiw nayarojj cutt'anipctati.” Tatituw ucjja arsuwayi. Aymar Bibliia 1986 Jakenacajj marcat marcraqui uma thakasajj sarapjjäna, umat pharjayasitanacapasti janipuniw apaktcänti; ucampis jumanacajj janiw nayarojj cutt'anipctati.” Tatituw ucjja arsuwayi. Qullan Arunaka DC Jaqinakax markat marka uma thaqhasax sarapxäna, umat pharjayasitanakapax janipuniw apaqtkänti; ¡ukampis jumanakax janiw nayan ukarux kuttanipktati!” Tatitux ukham siwa. |
Acab reyisti Abdías mayordomoparojj sänwa: —Sartasim, sarañäni orakpacha muytiri, uqhamarac uma jalsunaca, jawiranaca uñjiri, inacha jicjjatsna pastonaca caballonacaru, mulanacaru jacayascañataqui. Jan uqham lurcañäni ucasti, jan uywaniwa kheparañäni —sasa.
Inti jalsu toketjja, sirio jakenaca, inti jalanta toketsti filisteo jakenacaraqui. Mayac Israelarojj okontjjapjje, ucampisa Tatitun colerasiñapajj janiw apartquiti, jichhas jupajj ajjsarayascaquiwa.
Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.
Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!
Nayasti saraquïyätwa: ‘Uqham lurasajja inas nayan ucarojj wasitat cuttanjjchini’ sasa, ucampis janiw cuttanquiti. Judá cullacapasti yakhampi sarnaker sum uñjaraqui,
Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.
ucampis jupanacajj janiw nayar cuttaniñjja munapcänti. Ucatpï jichhajj wasitat Egiptor cuttapjjanejja, Asiriaraquiw jupanacarojj apnakani.
Jach'a jach'a tucutapaw Israelarojj aynacht'ayasqui, uqhamäquipansa, jupanacajj janiw cuttanipquiti, ni Tatitu Diosaparus thaktapcaraquiti.
“Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.
Mank'ascätawa, ucampis janiw sist'ascätati, jan ucasti mank'atjja awtjayasiscaquïtawa; take cunsa apthapiscätawa, ucampis janiraquiw cunsa acht'aycätati, cuns jicjjatät ucqhajja, nuwasiñampiw take ucanac t'unjayä.
Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.
Nayaw jumanacan take ch'ama tucutampi jicjjatatarojj plaganacamp, chhijchhimpi tucjtjja, ucampis jumanacajj janiw nayan ucarojj cuttanipctati. Naya take ch'amani Diosaw ucjja arsta.