Abdías 1:6 - Qullan Arunaca ¡Cunjämsa saqueyjapjjtamjja, Esaú! ¡Imasitanacamsa k'alpun jan mayani lunthatsupjjtamjja! Aymar Bibliia 1986 ¡Cunjämsa saqueyjapjjtamjja, Esaú! ¡Imasitanacamsa k'alpun jan mayani lunthatsupjjtamjja! Qullan Arunaka DC ¡Jumarusti Esaú, yänakam q'ala apaqapxtamxa! ¡Qamir yänakamsa jan mayan q'alpun lunthatsupxtamxa! |
Jupanacan uñjcataw jisc'a wawanacaparojj oraker jisctas jiwarayapjjani; utanacapas aparataraquïniwa, warminacapas warmisitaraqui.
Nayaw jumarojj cunanacatejj imantatäqui uca yänac catuyäma, cuna kamir cancañanacatejj jamas chekanacan imantatäqui ucanaca catuyäma, uqhamat yatiñamataqui nayan Tatitütajja, Israelan Diosapa qhititejj sutimat jawsctam uca.
Ucampisa nayajj Esaú marcarojj jan cunani jaytaractjja, imantasitanacapsa khanaruw apsuractjja, janiraquiw juc'ampi imantascjjaspati. Wawanacapasa, familianacapasa, uta jac'anacapasa, takeniw t'unjatäpjje; janiraquiw maynis kheparcjjeti aqham sañataquejja:
¡Soldadonacaparusti nuwjapjjaraquim; ajjsarañatsa qhathatipjjpan! ¡Caballonacaparusa, carronacaparusa nuwjapjjaraquim! ¡Pagot sarnakeri soldadonacaparus nuwjapjjaraquim; warminacjama tucupjjaracpan! ¡Kamir cancañanacaparusa nuwantapjjaraquim; k'al aparapjjaracpan!
Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.