2 Samuel 21:17 - Qullan Arunaca

Ucampisa Abisai, sata Sarvia jaken yokapasti Davidar yanapt'iriw sararaquïna, jupaw uca jach'a filisteo jakerojj nuwantasin jiwayaraquïna. Uqhamasti uca khepatjja israelita jakenacajj Davidarojj arsuyapjjaraquïnwa, jan mayampisa jupanac chica guerraru nuwasiri sarañapataqui, uqhamat Israelan khanapajj jan jiwt'añapataqui.

Aymar Bibliia 1986

Ucampisa Abisai, sata Sarvia jaken yokapasti Davidar yanapt'iriw sararaquïna, jupaw uca jach'a filisteo jakerojj nuwantasin jiwayaraquïna. Uqhamasti uca khepatjja israelita jakenacajj Davidarojj arsuyapjjaraquïnwa, jan mayampisa jupanac chica guerraru nuwasiri sarañapataqui, uqhamat Israelan khanapajj jan jiwt'añapataqui.

Qullan Arunaka DC

Ukatsti, Seruiá jaqin Abisai yuqapaw Davidar yanapt'ir jaläna, ukatsti uka filisteo jaqirux nuwantasin jiwayäna. Uka qhipatsti israelita jaqinakax Davidarux jan mayampis jupanak chika nuwasir sarañapatakiw arsuyapxäna, ukhamat Israelan qhanapax jan jiwt'añapataki.

2 Samuel 21:17 Jak'a apnaqawi uñst'ayäwi

2 Samuel 14:7

Jichhasti take familianacajjaw naya contra sartapjje, jupanacajj munapjjaraquiw nayan jupanacaru cawquïri wawajjatejj jiwaycatayna ucar catuyaña, uqhamat jilaparu jiwaycatayna uca phoksuñataqui, ucatsti cawquïri sapa herencia catokeritejj utjqui ucaru chhaktayañataqui. Uqhamäni ucapachasti, cawquïri wawajjatejj nayataqui mä ninjama akasqui ucaruw jiwayjjapjjani, chachajjarusti jan wawani jaytapjjaraquinejja, janiraquiw chachajjan sutip apiris aca orakenjja utjcaniti —sasa.

2 Samuel 18:2

Ejercitopa quimsaru jaljasinsti, mayïrïqui ucjja Joab chachaw sarayäna, payïrïqui ucsti Abisai jakew sarayaraqui, cawquïritejj Sarvia sisqui ucan yokapa, Joab chachan jilapäcaraquïna uca; quimsïrïqui ucsti Itai sisqui uca jaken sarayañapataquiw uscüna, uca Itai jakesti Gat marcanquiriraquïnwa. Ucat takpach ejercitorusti saraquïnwa: —Nayajj jumanac chicaw nuwasiri sararaquï —sasa.

2 Samuel 18:3

Ucampisa jupanacajj sapjjaraquïnwa: —Janiwa, jach'a rey, jan ucjja luramti, uñisirisataquejj janiw cunäquis nanacan jaltjjapjjañajjajja, jan ucajj chicatpacha jiwarapjjañajjasa, ucampisa jumajj, jach'a rey, tunca waranka jakenacat sipansa juc'ampïtawa. Ucatwa walïnejja, jach'a reyejj, marcaru kheparañapajja, uqhamat nanacataquejj juc'ampi ch'amañchäwi jan ucajj yanapa qhitaniñapataqui —sasa.

2 Samuel 22:19

Llaquinquipan nayarojj chhucjjatapjjetu, Tatitusti yanapt'apampiw arjjatitu:

2 Samuel 22:29

Tatay, jumaw nayarojj khan churista, Diosajjay, jumaw arum ch'amacajjar khantaytajja.

1 Reyes 11:36

Yokapataquisti mä tribucwa jaytäjja, David sirvirejjana lamparapajja nayan nayrakatajjana naqhascañapataqui Jerusalenanjja, cawquïr marctejj nayajj ajlliscta sutejjajj ucancañapataqui.

1 Reyes 15:4

Ucampis Davidaru qhuyapayasitap laycojja, Tatitojj lamparapjja naqhayascaquïnwa Jerusalén marcana, yokaparu reyit uchasa uqhamarac Jerusalén marcarus ch'aman tucuyasa.

Salmos 132:17

Davidan ch'amap wasitat sartayä, ajllit reyejjataquejj mä khan khantayarapï.

Salmos 144:10

Jumaw reyinacar atipjaytajja; jumaraquiw David loktirimar khespiytajja, jiwayir espadat arjjatita, yakha marcanquir jakenacan amparapat khespiyita, lacanacapajj c'ari parlirinacawa, cupi amparanacapasti c'ari juramento lurañatac aytiriwa.

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Jeremías 40:15

Uqhamasti Johanán jakesti Gedaliasarojj jamasatwa saraqui: “Nay sará Ismael chacharu jiwayaniñataqui. Janiw qhitis yatiñapäcaraquiti qhitin juparu jiwayatapsa. ¿Cunatsa uqhamaqui uñch'uquiñäni jupan jumaru jiwayañapjja? Uqhama luratapajj take judionacaruw wasitat ananucuspa qhitinacatejj juma jac'aru tantacht'asipqui take ucanacaru, cunatejj Judá marcata jilt'qui ucanacataquisti sinti jan walt'añapunïspawa” sasa.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.