2 Samuel 19:18 - Qullan Arunaca

Ucatsti jupajj jawira maqhataraquïna, uqhamat reyiru yanapt'añataqui Jordán jawira maqhataniñanjja, uqhamat rey nayrakatanjja mä suma uñjatäñataqui. Cunapachatejj reyejj Jordán jawira jac'aru purinïna ucapachasti Simei chachajj reyin nayrakataparuw alt'asïna,

Aymar Bibliia 1986

Ucatsti jupajj jawira maqhataraquïna, uqhamat reyiru yanapt'añataqui Jordán jawira maqhataniñanjja, uqhamat rey nayrakatanjja mä suma uñjatäñataqui. Cunapachatejj reyejj Jordán jawira jac'aru purinïna ucapachasti Simei chachajj reyin nayrakataparuw alt'asïna,

Qullan Arunaka DC

18 (19) ukatsti jawir makhatäna, reyin wila masinakapar Jordán jawir makhatañ yanapt'añataki, ukhamat rey nayraqatan mä suma uñjatäñataki. Reyix Jordán jawir makhatañampixän ukkhasti, Simí chachax reyin nayraqataparuw alt'asïna,

2 Samuel 19:18 Jak'a apnaqawi uñst'ayäwi

2 Samuel 19:17

Jupampi chicasti, Benjamín tributjja waranka jakenacaw sarapjjaraquïna. Uqhamaraqui Siba sat jakesa, cawquïritejj Saúl reyin familiapan uywatapäcaraquïna ucasa tunca pheskani yokanacapampi, pä tunca esclavonacapampi cunaraquiw Jordán jawira chekarojj purintanïna, janïra reyejj purinquipana.

2 Samuel 19:19

ucat saraquïna: —Jach'a rey, nayajj achict'assmawa, janiquiy juchanacajj-jja amtasimti, janiraqui cuntejj naya sirvirimajj juma contra jan wal lurcta ucsa, cunürutejj jumajj Jerusalenat mistcayät ucapachajja. Nayataquejj janiquiy colerasiñamjja,

2 Samuel 19:30

Ucampisa Mefi-bosetajj saraquïnwa: —Jupa sapaqui take uca orakenacampejj kheparjjpan. Jupaqui uca orakenacjja catusjjpan, reyin suma c'umara palacior cuttanjjatapaw juc'ampi suma asquejja —sasa.

2 Samuel 9:10

Uca laycu, jumampi, wawanacamampi, uywatanacamampejj jupataquiw jichhajj yapu yapucharapipjjäta, cunatejj achcani ucanacsti sum imarapipjjäta, uqhamat uywiriman familiapajj mank'asiñapataqui, Mefi-bosetajj nayampi chica mesajjan mank'cani ucasa.

2 Samuel 9:2

Saúl reyin familiapan mä uywatapaw utjäna Siba sat sutini, ucaruw jawsanipjjäna Davidar uñstañapataqui. Cunapachatejj Siba sat jakejj Davidan nayrakataparu uñstän ucapachasti reyejj juparojj jisct'änwa: —¿Jumajj Sibätati? —sasa. —Jïsa, ucäscapuntwa jach'a reyir sirviñataqui —sasaw jupajj saraquïna.

1 Reyes 2:8

Ucjjarusti amuyasiraquim jumampïqui uca Gera jaken Simei yokapata, jupasti Bahurim ucanquir benjaminitawa. Cunapachatï nayajj Mahanaim ucsar sarascäyäta ucqhajja jupawa mä ajjsarcaña maldición arunac arnakanitäna. Ucatsti Jordán jawiranjja jupa pachparaquiw jutaraquïna nayar catokeri, ucatsti nayajj Tatit laycuw juramento lurañajjäna jan jupar jiwayañajjataqui.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Salmos 81:15

Tatitur uñisirinacajj ajjsarañat liwirtapjjaspa, juchañchäwipasti jan mayampitaquïspawa.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.