2 Samuel 19:13 - Qullan Arunaca

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

Aymar Bibliia 1986

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

Qullan Arunaka DC

13 (14) Ukxarusti saskakïnwa Amasá jaqir sapxañapataki: “Jumax wilaxat wilanïtawa, ukhamasti jichhürut uksarux jumaw Joab lanti ejercitoxan jach'a jilïripat sayt'äta. Janitix aka arsutaxar phuqkäma ukax, Tatituy nayar jan khuyapt'ayasis mutuyitpan” sasa.

2 Samuel 19:13 Jak'a apnaqawi uñst'ayäwi

Génesis 29:14

Labanasti saraquïnwa: “Chekpachapuniw jumajj nayan familiajjätajja” sasa. Jacobosti Labanan utapanjja mä phajjsiw kheparäna.

2 Samuel 17:25

Absalonasti, Joab lantjja Amasa jakeruw take ejerciton sarayiripatjja uscuraquitayna. Amasa jakesti mayni ismaelita jaken yokaparaquïnwa, uca jakesti Itra sataraquïnwa, jupasti Abigail sat warmimpiw sarnakaraquitayna, uca warmisti Nahas sat jaken phuchapänwa, Sarvian cullacapa, cawquïritejj Joab chachan taycapäcän uca.

2 Samuel 18:11

—Uñjsta ucapachasti, ¿cunatarac jan uca pachpar jiwt'aytasti? Nayajj cusisisaw jumarojj tunca kollke chuririscasamäna, uqhamaraqui mä cinturonampi cuna —sasaw Joab chachajj saraquïna.

2 Samuel 20:4

Ucatsti reyejj Amasa jakeruw saraquïna: —Judá orakenquir jakenacaru jawsayam, acat quimsa ururu jupanacampi uñstaniraquim —sasa.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Samuel 5:1

Uca khepatsti Israelan take tribunacapajj Hebronarcamaw sarapjjäna, Davidampi parlañataqui, sapjjaraquïnwa: “Nanacajj juman quipca familiamäpjjtwa.

2 Samuel 8:16

Ejerciton jach'a jilïripasti Joab jakënwa, Sarvia jaken yokapa. Josafat sisqui ucasti, cawquïritejj Ahilud sisqui ucan yokapäcän ucasti reyin kellkeriparaquïnwa.

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

Rut 1:17

Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.