2 Samuel 18:17 - Qullan Arunaca

Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

Aymar Bibliia 1986

Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

Qullan Arunaka DC

Ukatsti Absalonan janchip katusinxa, uka ch'umin utjir mä jach'a p'iyaruw jaquntapxäna, uka patxarusti qalanak phint'apxäna. Ukatsti israelitanakax utanakaparuw jaltxapxäna.

2 Samuel 18:17 Jak'a apnaqawi uñst'ayäwi

2 Samuel 19:5

Joab chachasti palacioruw sarawayäna, ucatsti saraquïnwa reyirojja: “Juma, jach'a reyejj, nanaca sirvirimarojj p'enkachapjjestawa, uca sirvirinacamasti juma jach'a reyina, uqhamaraqui wawanacaman jacañapwa khespiyapjjejja, uqhamaraqui phuchanacamarusa, warminacaparusa.

2 Samuel 19:8

Uqhamasti reyejj sartasinjja, marca puncuruw kont'asiraquïna. Cunapachatejj take jakenacaru yatiyatäjjana ucapachasti takeniw aruntirejj uñstanipjjäna.

2 Samuel 19:9

Israelita jakenacasti takeniw utanacaparu jaltjjapjjatayna. Take Israel marcansti, jakenacajj ch'ajjwapjjaraquïnwa, sapjjaraquïnwa: “David reyiw uñisirinacasan apnakatäñatjja khespiyistu; uca uñisirinacasti filisteo jakenacänwa, ucampisa Absalón wawapa laycuw marcat jaltjjänjja.

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

2 Samuel 20:22

Ucatsti ucspachaw warmejj jalasin takpacha marcanquir jakenacarojj amtayäna Seba jaken p'ekepa apakañataqui, ucat uca Seba jaken p'ekepa apakasinjja, Joab chacharuw perka patatpach liwt'anjjapjjäna uca p'ekjja. Ucat Joab chachajj trompeta phust'ayaraquïna, marcat jithekjjañataqui. Ucapachaw marcajj jithektawayjjapjjäna, sapa maynis utaparcamaw sarjjapjjäna, Joab chachasti Jerusalén marcaruw cuttaniraquïna reyimpi parlañataqui.

2 Reyes 14:12

Ucatsti Israel jakenacawa Judänquir jakenacarojj atipjapjjäna, ucatjja sapa maynisa utanacaparuw jaltjjapjjäna.

2 Reyes 8:21

Ucatjja Joram reyejj saränwa Zaer sat chekaru take nuwasiñ carronacapampi, arumjaru sartasisinjja nuwasiñ carronacan capitananacapampiw sarapjjäna nuwantañataqui, muyuntapcäna uca edomitanacaru, ucatsti jaltayapjjänwa.

Proverbios 10:7

Asqui jaketjja suma amtañaw utji, ucampis ñankha jakerojja mäquiwa armatäjje.

Deuteronomio 21:20

Ucatsti aqham sapjjaniwa: ‘Aca nanacan wawajjajja jan ist'asiri kallasiriraquiwa; janiw cunansa ist'apquituti, jan ist'asisa sarnakeriwa uqhamarus machiriraquiwa’ sasa.

Deuteronomio 21:21

Ucapachasti takpach marcan jakenacawa kalampi c'upjasin jiwayapjjani. Uqhamatwa jumanacajj marcaman uca ñankha luririnacjja tucjapjjäta, uca yatisinsti israelit jakenacajj wal ajjsarapjjani.

Josué 10:27

Cunapachatejj intejj jalantañ munjjän ucqhajj, Josué chachajj mä jakenacaruw qhitäna uca kokanacat apakanipjjañapataqui, ucatsti uca quipca puturu uchanipjjañapataqui, cawqharutï imantasipjjäna uca chekaru. Ucatjja uca putun puncupjja jach'a kalanacampiw atintanipjjäna, ucasti jichhürcamaw uqhamäsqui.

Josué 7:26

Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.

Josué 8:29

Hai marcan reyiparusti mä kokaruw cuncata warccatayäna jayp'ucama, cunapachatejj intejj jalantjjän ucapachaw amayapjja kokat apakayanïna, marca mantañar uchasinjja kalanacampiw amayap patjjaru uchayäna. Uca kala montonajj jichhürcamaw ucancasqui.

1 Samuel 4:10

Filisteonacasti israelitanacarojj nuwantapjjänwa, atipjapjjaraquïnwa, israelitanacasti campamentopatjja jaltjjapjjaraquïnwa. Filisteonacasti sintipuniw jiwarayapjjatayna, israelitanacan soldadonacapasti uca urojj quimsa tunca waranka jakenacaw jiwarata uñjasipjjäna.