Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.
2 Samuel 15:26 - Qullan Arunaca Ucampisa Tatitutejj: ‘Janiw nayatacjamäctati’ sitani ucapachasti acanctwa nayajj, jupasti cuntejj nayampi muni uca luraracpan. Aymar Bibliia 1986 Ucampisa Tatitutejj: “Janiw nayatacjamäctati' sitani ucapachasti acanctwa nayajj, jupasti cuntejj nayampi muni uca luraracpan. Qullan Arunaka DC Ukampis Tatitutix sitani: “Janiw nayatakjamäktati” sasaxa, ukapachasti jupan khuyapayasiñap suyä, kuntix nayampi lurañ munkani uk luraskakpan —sasa. |
Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.
ucampisa lutt'asiña urunacap phokhasjjepansti Davidajj palacioparuw catokjjäna, warmipäñapataqui, jupasti mä yokall wawa wawachasiraquïna. Ucampis Davidan luratanacapajj Tatitutaquejj janiw asquïcänti.
Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.
¡Tatit Diosamajja bendicitäpan, jupasti jumarojj ascwa uñjtam, uqhamarac Israelan reinopsa catuyaractam! Tatitusti Israelarojj munapunïnwa, ucatwa jumarojj reyita uchtam chekaparu, asqui cancañampi apnakañamataqui” sasa.
Diosataquejja take ucanacajja jan walïnwa, ucatsti Israel marcarojja mä mutuyäwi apayanïna.
¡Tatit Diosamasti bendicitäpan, jumarusti suma chuymampiwa uñjtam, uqhamarac tronoparus ucharactam reyipäñamataqui! ¡Juman Diosamajj Israelaru munatap laycu, uqhamarac wiñayataqui apnakañamaquiraquiw jumarojja reyit utt'aytam jupanacaru cheka cancañampi, cheka lurañampi apnakañamataqui!” sasa.
“Nayasti amutuw tucta, janiw lacajj jist'arcti, juman take cun sarayascatam yatta.
“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.
Janiraquiw mayampsa: “Apanucuta” sasajj siscjjapjjätamti, orakemarus janiraquiw: “Tucjata” sasajj siscjjapjjaniti, jan ucasti sutimajj: “Nayan ajllisita” satäniwa, orakemasti: “munat warmejja” sataraquïniwa. Jumajj Tatitun ajllitapätam laycu, jupasti orakemataquejj munat chachar uñtataraquïniwa.
“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?
Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.
Tatitojj qhuyapayasistani ucqhajj yanapt'istaniw uca oraker mantañasataquejja, uqhamarus churaraquistaniwa. Uca orakensti, leches, misq'is umjamaw jalasqui.
Ezequiasasti Manasesan awquipänwa, Manasesasti Amonan awquiparaqui, Amonasti Josiasan awquiparaqui.
Jichhasti nanacajj juman amparamancapjjtwa, nanacampisti cunjämtejj munta uqhamar luram —sasa.
Uqham ist'asinsti israelitanacajj, Diosarojj sapjjaraquïnwa: “Nanacajj juchwa lurapjjta. Jichhasti nanacampejj cunjämarutejj muncta uqhamaruy luram, ucampis nanacajj achict'asipjjsmawa, jichhajj khespiyapjjaquitaya” sasa.
Samuelosti, cuntejj Tatitojj yatiycatayna ucanacjja jan cunsa imt'asaw yatiyäna, ucat Elí sacerdotejj warartataraqui: —¡Tatitun arsutapawa! ¡Cuntejj jupajj munqui uc luraracpan! —sasa.