2 Samuel 15:25 - Qullan Arunaca

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

Aymar Bibliia 1986

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

Qullan Arunaka DC

Ukampis reyix Sadoc jaqir sänwa: —Tatitun arcap markar kuttayxam; Tatitutix munani ukapachasti nayarux kuttayasinkitaniwa, arcapsti wasitat uñjaskarakïwa kawkhankkanitix uka chiqana.

2 Samuel 15:25 Jak'a apnaqawi uñst'ayäwi

2 Samuel 6:17

Tatitun arcapasti apatäjjänwa, uchäwiparu uscutäjjaraquïnwa, mä carpa mankharu cuna carptejj Davidajj arca uscuñataquipuni lurcatayna uca mankharu. Ucatsti Davidajj janc'aquiw sacrificionaca, sumancthapiña loktäwinaca loktaraquïna, Tatitun nayrakatapana.

2 Samuel 7:2

ucapachaw Natán profetaru aqham saraquïna: —Cunjämatejj jumajj uñjcta, nayajj mä suma cedro palacion jacastjja, Diosan arcapasti mä cortinanac mankhanacwa jicjjatasi —sasa.

Salmos 122:1

“Tatitun utapar sarañäni” sirinacampejj walpun cusista.

Salmos 122:9

Tatitu Diosasan utap laycuw juman asquimatac thakä” sasa.

Salmos 26:8

Tatay, kollan utamarojj munastwa, khapak cancañamajj ucanquiwa.

Salmos 84:10

Mä uruquis utaman kamañajj juc'amp sumawa, warank urunac ankancañat sipana. Nayajj Diosan templopancañ munta, ñankha lurañ chekawjan jacañat sipana.

Éxodo 15:13

Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Éxodo 33:12

Moisesasti Tatiturojj sänwa: —Jumasti nayarojj, ‘aca jakenaca irpam’ sistawa, ucampis janiw sisquistati qhitimpiw jumar qhithäma sasajja. Uqhamarac saractawa: ‘Jumaruw confiasma’ sasa, ucampis jumajj nayataquejj colerataquëjjtawa.

Éxodo 33:13

Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Isaías 38:22

Ezequiasasti Isaiasaruw jisct'asiraqui —¿Cuna chimpu tokes amuyasiristjja nayan Tatitun temploparu sarañajj-jja? —sasa.

Jeremías 25:30

“Jumasti Jeremías, take acanacjja nayan sutejj-jjaru yatiyascaquim, jupanacarusti saraquim: ‘Tatitojj jach'a arupampiw arsu, alajjpachatpacha, cawqhantejj jacqui uca kollan utjäwipatpacha. Tamapataquisti cunjämatejj uva ch'irwirinacajj arnakasipjjejj uqhamaraquiw arnakasi, take jakenac tokjja.

Jeremías 7:4

Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’