2 Samuel 12:31 - Qullan Arunaca

Uca marcan khepariri jakenacarusti ansunisinjja serruchonacampi, fierro yawiñanacampi, hachanacampi irnakayaraquïna, uqhamaraqui ladrillo hornonacansa. Uca pachparacwa take amonitanacan marcanacapampejj luräna, ucatsti take soldadonacapampiw Jerusalén marcarojj cuttanjjäna.

Aymar Bibliia 1986

Uca marcan khepariri jakenacarusti ansunisinjja serruchonacampi, fierro yawiñanacampi, hachanacampi irnakayaraquïna, uqhamaraqui ladrillo hornonacansa. Uca pachparacwa take amonitanacan marcanacapampejj luräna, ucatsti take soldadonacapampiw Jerusalén marcarojj cuttanjjäna.

Qullan Arunaka DC

uka markan qhiparir jaqinakarusti, ananukusin wali ch'ama lurañanakan jupanakar irnaqayäna, serruchonakampi, piconakampi, hierro hachanakampi, ukatsti ladrillo lurañ hornonakan jupanakar irnaqayäna. Uka pachparak taqi amonita markanakarux luräna, ukatsti taqi soldadonakapampiw Jerusalén markarux kuttanxäna.

2 Samuel 12:31 Jak'a apnaqawi uñst'ayäwi

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

1 Crónicas 20:2

Ucatsti Davidajj Rabá chekanquir reyin coronapwa catusïna, uca coronasti korita, suma muncañ kalanacampi luratänwa, ucajj pesänwa quimsa tunca quimsani kilonaca, ucatjja Davidaruw ucjja uchapjjäna. Uqhamaraquiw Davidajj marcatjja walja yänaca jila alani yänacampi apsunïna.

1 Crónicas 20:3

Ucatsti cawquïr jakenacatejj uca marcancasipcäna ucarusti ankar apsusinjja, ch'ama irnacañanacjjaruw uchäna, sierrampi, hierro trillonacampi, hachanacampi, lurapjjañapataqui. Uqhamaracwa Davidajj amonita jakenacarojj lurayaraquïna, ucatsti ejercitopampejja Jerusalén marcaruw cutt'anjjäna.

Jeremías 43:9

“Mä jach'a kalanaca aptam, ucatsti Judá oraket jutiri take jakenacan uñjcata terraza patancquis uca ñek'e taypiru imantaraquim, reyin palaciopäquisa uca mantaña uñcatasiru.

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Amós 1:3

Aqham siw Tatitojja: “Damasco marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Galaad marcanquirinacarojj fierro jawc'añampi jawc'supjjatapata.

Hebreos 11:37

Kalamp c'upjata jiwayatäpjjaraquïnwa, payar qhuchjata cunayman yant'ata, espadamp jiwayata. Jupanacasti ovejanacan cabritonacan lip'ichinacapampi isthapitaquiw take chekan sarnakapjjäna, llact'ata, uqhamarac chhojjriñchjata, jan cunaniraqui.

Josué 10:15

Ucjjarusti Josué chachajj israelit jakenacampi chicaw Gilgal campamentonacapar cuttanjjapjjäna.