Jupasti ucqhajja quimsa tunca pheskan maranïnwa, ucatjja Jerusalenanjja pä tunca pheskan maraw apnakaraquïna. Taycapasti Azuba sat sutinïnwa, Silhi sat chachan phuchaparaqui.
2 Reyes 8:16 - Qullan Arunaca Israel marcana Acab sat chachan Joram yokapajj pheska mara apnakascäna ucqhawa Judá marcana Josafat chachan Joram yokapajj apnakañ kalltäna. Aymar Bibliia 1986 Israel marcana Acab sat chachan Joram yokapajj pheska mara apnakascäna ucqhawa Judá marcana Josafat chachan Joram yokapajj apnakañ kalltäna. Qullan Arunaka DC Ahab chachan Joram yuqapax, Israel marka phisqa mara apnaqkän ukkhawa, Josafat chachan Joram yuqapax Judá marka apnaqañ qalltäna. |
Jupasti ucqhajja quimsa tunca pheskan maranïnwa, ucatjja Jerusalenanjja pä tunca pheskan maraw apnakaraquïna. Taycapasti Azuba sat sutinïnwa, Silhi sat chachan phuchaparaqui.
Josafat reyejj jiwjjänwa, ucatsti imt'atäjjänwa nayra awquinacapamp chica Davidan marcapana. Ucjjarusti jupa lantejj apnakänwa Joram sat yokapa.
Josafat reyejj Judá orakenjja tunca pakallkoni maraw apnakascäna ucqhawa Acab reyin Ocozías yokapajj apnakaña kalltäna Samariana Israeljjaru, ucatsti pä maraw apnakäna.
Uqhamapuniwa Ocozías reyejj jiwjjäna cunjämatï Tatitojj siscäna Elías profet toke. Cunjämatï Ocozías reyejj jan yokall wawanïtapatjja, jupa lantejj Joram sat jilapaw reyëjjäna. Acasti lurasïnwa Judá orakena Josafatan Joram sat yokapajj pä mara apnakascäna ucqha.
Ucampis Joram reyin Josaba sat phuchapasti, qhitiraquitejj Ocozías reyin cullacapäcäna ucajja, Ucoziasan Joás sat wawaparuwa imantäna, reyin maynïr wawanacapar jiwaraycäna ucqha. Atalía warmitjja wawjja imakänwa uywiripamppacha mä iquiña utaru. Uqhamatwa jan jiwayapcänti.
Josafat reyejj Judá orakena tunca quimsakallkon mara apnakcäna ucqhawa Acab chachan Joram sat yokapajj Israelan apnakañ kalltäna, ucatsti Samaria marcanjja apnakänwa tunca payan mara.
Israel marcana Acab chachan Joram yokapajj tunca payan maranaca apnakcäna, ucqhawa Joram chachan Ocozías yokapajj Judá marcana reyïña kalltäna.
Jerusalenanquir jakenacasti Joram lantejja jupan Ocozías sullca yokaparuwa reyita utt'ayapjjäna, mä tama ñankha jakenacawa arabenacampi campamentor mantantanisa Judá marcanquir Joram reyin jilïr yokanacaparu jiwarayatap laycu. Uqhamatwa Judá marcanquiri Joram reyin Ocozías yokapajj apnakaña kalltäna.