2 Reyes 8:12 - Qullan Arunaca

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Aymar Bibliia 1986

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Qullan Arunaka DC

ukat Hazael chachax jupar jiskt'äna: —¿Tatay, kunatarak jachtasti? —sasa. Eliseosti sänwa: —Nayax kuna jan waltix israelitanakar lurkäta uk yatta, suma uyuchrantat markanakap ninamp nakhantayäta, ukankir waynanakarux espadampkamaw jiwarayäta, jisk'a wawanakarux jiwayarakïtawa, usur jaqi warminakarusti purakanakap jist'jarakïta —sasa.

2 Reyes 8:12 Jak'a apnaqawi uñst'ayäwi

1 Reyes 18:13

¿Janit jumarusti yatiyapctamsti cuntï nayajj lurcta, cunapachatï Jezabel reinajj Tatitun profetanacaparu jiwaraycäna ucqhajja? Nayajj jupanacatjja patacaniruwa imantta, ucatsti payaru jaljasina pheska tuncacama pä puturuwa imantta, ucatjja mank'a churaracta kawkhacamatï waquisqui ucqhacama.

1 Reyes 19:17

Uqhamatwa qhititejj Hazaelan espadapata jaltcani ucarojja, Jehú chachawa jiwayani, uqhamarac qhititejj Jehú chachan espadapata jaltcani ucarojja, Eliseo chachaw jiwayaraquini.

2 Reyes 12:17

Qhaya tiemponjja Siria marcanquiri Hazael reyejja Gat marcar nuwir jutasinjja catuntasïnwa, ucatsti Jerusalén tokeruraquiw sararaquïna.

2 Reyes 12:18

Ucampis Judá marcanquir Joás reyisti apjjarünwa cawquïri kollan yänactejj Josafat, Joram, Ocozías uca nayra reyinacapajj Diosan utapatac loktapcäna Judá orakena take ucanaca; ucjjarusti apjjaruraquïnwa cawquïr yänactejj jupa pachpas loktcaraquïna ucanacaraqui, uqhamarac apjjaruraquïna templon imatäqui reyin palaciopansa take korinaca, ucatsti take ucanacjja mayaqui apthapisawa Hazael reyin ucar apayäna, ucatjja aca reyejja janiw Jerusalén marcar nuwantcjjänti.

2 Reyes 13:22

Siria marcanquir Hazael reyejj Israel marcaruw t'akhesiyäna, Joacaz reyejj jacascäna ucqhajja.

2 Reyes 13:3

Uca laycuw Tatitojj Israel marcataqui colerasïnjja, ucatjja walja maranacawa Siria marcanquiri Hazael reyin amparaparu catuyäna, uqhamarac Ben-adad sat yokapan amparaparusa.

2 Reyes 13:7

Joacaz reyin ejercitopajja janiw waljäcjjänti, jan ucasti pheska tunca caballería soldadonacaquiw utj-jjäna, tunca nuwasiñ carronacampi, uqhamarac tunca waranka infantería soldadonacampiquiraqui, Siria marcanquir reyiw k'al tucjatayna, lak'ar tucuyañcama tucjasina.

2 Reyes 15:16

Ucatsti Manahem reyejj Tifsa marcjja k'alwa tucjäna, uqhamarac apararaquïna cunanacapatejj orakenacapan utjcäna ucanacsa, Tirsa marcat kalltasina, uqhamaraquiw take usur jake warminacarus puracanacapa jist'jäna. Jupasti ucjja luränwa, marcan puncunacapa jan jist'arapjjatap laycu.

2 Reyes 4:28

Warmisti juparojj sänwa: —Tata, ¿nayati jumar mä wawanïñajja maysmajja? ¿Janit jumarojj maycsmajja jan nayar sallkjañamjja? —sasa.

Isaías 13:16

Jupanacan uñjcataw jisc'a wawanacaparojj oraker jisctas jiwarayapjjani; utanacapas aparataraquïniwa, warminacapas warmisitaraqui.

Isaías 13:18

Waynanacarojj flechanacapampiw tincurayaraquini. Ucqha nacir asu wawanacatsa janiraquiw qhuyapt'ayasipquiti, jisc'a wawanacatsa janiw qhuyapt'ayasipcaraquiti.

Oseas 10:14

jan walt'añanacaquiw jumanac taypinjja utjani, ucatsti take sayt'asiña perkanacamasa tucjatäniwa, cunjämatejj Salmán reyejj Bet-arbel marcarojj tucjcäna nuwasiñ urupanjja, cunapachatï warminacarusa wawanacapamppacha jiwarayapjjänjja uqhama.

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Nahúm 3:10

ucampis wasarar apatänwa; wawanacapas calle esquinanacanjja orakercam jisctatänwa; jach'a jilïrinacapjjarusti suertenacwa jaktapjjänjja, jilïrinacapasti cadenampi ñach'antataraquïnwa.