2 Reyes 4:4 - Qullan Arunaca

Ucatjja utamaruwa mantäta wawanacamampi chica, ucatjja uta puncu jist'antasisinjja take chatunaca aceitempi phokharam, phokhanacäqui ucsti yakha chekaruwa uchäta — sasa.

Aymar Bibliia 1986

Ucatjja utamaruwa mantäta wawanacamampi chica, ucatjja uta puncu jist'antasisinjja take chatunaca aceitempi phokharam, phokhanacäqui ucsti yakha chekaruwa uchäta —sasa.

Qullan Arunaka DC

Ukatsti wawanakamamp chikaw utamar mantäta, uta punku jist'antasinsti taqpach chatunakar aceite phuqharäta, phuqhanakäki uksti yaqha chiqaruw uchäta —sasa.

2 Reyes 4:4 Jak'a apnaqawi uñst'ayäwi

2 Reyes 4:3

Ucatsti Eliseojj sänwa: —Jichhasti saram, ucatjja uta jac'amanquirinacamata mä kawkha chatunaca mayt'asinim, ¡kawkhacamatï chatunaca jicjjatañjamäqui ucqhacama!

2 Reyes 4:5

Warmejja Eliseot sarakawayasinjja, wawanacapamp chicaw utaparu jist'antasïna. Ucatsti jupajj kalltänwa phokharaña wawanacapajj chatunaca churapcäna ucanacaru.

Isaías 26:20

Nayan marcajja, sartasim, ucatsti utamar mantam, ucatsti puncum jist'catasinim, imantasiraquim, Tatitun colerasiñapajj pasañapcama.

Mateo 6:6

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Marcos 5:40

Uc ist'asinsti jakenacajj jupatjja larusipjjänwa. Ucatsti Jesusajj takeniruw ankar ananucüna. Imill wawan awquipampi taycapampi Jesusamp chica sarapcänsa ucanacampiquiw utarojj mantapjjäna.

Juan 6:11

Jesusajj t'ant'anac amparaparu catusinjja, Diosaruw yuspagaräna, ucatsti discipulonacaparuw churäna. Discipulonacapasti laquiränwa take uca konurat jakenacaru, chawllanacsti uca quipcaracwa laquiräna kawkhtejj munapcäna ucqha.

Hechos 9:40

Pedrosti takeniruw ankar qhitsu. Ucatwa quillt'asisin Diosat mayi. Jiwat warmir uñjjatasinsti saraquiwa: “¡Tabita, sartam!” sasa. Ucspachaw warmejj uñatati, Pedror uñcatasinsti, kont'asiwa.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.