2 Reyes 23:3 - Qullan Arunaca

Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

Aymar Bibliia 1986

Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

Qullan Arunaka DC

Uka qhipatsti reyix Tatitun utapan sayirinakap jak'aru sayt'asisin, Tatit nayraqatan jupar jaysañatak arsüna, kamachi arunakaparjama, iwxanakaparjam chiqa kankañamp sarnaqañataki, ukhamaraki arust'äwi lurat amtäwinakar qillqatarjam phuqhañataki. Ukxarusti taqpach markachirinakarakiw uk phuqhañataki arsupxäna.

2 Reyes 23:3 Jak'a apnaqawi uñst'ayäwi

2 Reyes 11:14

Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

2 Reyes 11:17

Ucatsti Joiada sacerdotejj suma parlt'äwiruwa mantäna Tatitumpi, reyimpi, uqhamarac marcampisa, jupanacajj Tatitun marcapäpjjañapataqui, uqhamarac reyimpi marcampiraqui.

2 Crónicas 15:15

Take Judá orakenquir jakenacaw cusisipjjäna take chuyma juramento lurapjjatanacapata, jupanacasti take chuymawa Tatitur thaktapjjäna, Tatitusti jupanacampejja jicjjatayasiraquïnwa, ucatsti Tatitojj jac'anquir take marcanacampejja suman sarnakañwa churäna.

2 Crónicas 23:13

Ucansti jupajj reyiruwa ujäna mantañawjana jakenacapajj cayutcama sayt'atäsipcäna uca taypina. Reyin thiyapansti jilïrinacaw ucancapjjäna, uqhamarac música bandasa, jakenacasa cusisitäpjjänwa trompetanaca tocasina; k'ochurinacasti tocañ instrumentonacampiwa, yupaychaña k'ochunaca sarayapjjäna. Atalía warmisti uqham uñjasinjja isipwa ch'iyanokasïna, aqham sasa: “¡Nayarojj ch'ojjña lurapjjestajja!” sasa.

2 Crónicas 23:16

Ucatsti Joiada sacerdotejja take jakenacampi, reyimpi cunawa mä suma parlt'äwiru mantäna, jupanacajj Tatitun marcapäpjjañapataqui.

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

Esdras 10:3

Jichhasti nanacajj arsusipjjäwa uca yakha marcanquir warminacajjaru qhithanucjjañataqui, wawanacapamppacharu, ucatsti phokhatäpan leyejja, cunjämatï jumasa, uqhamarac qhitinacatejj Tatitun camachi arunacapa phokhapqui nanacar amuyt'ayasa ucarjama.

Nehemías 10:1

Acanacänwa arust'äwi kellkataru firmirinacajja: Naya Nehemías gobernador, Hacalíasan yokapa, uqhamarac Sedequiasan wawapa;

Nehemías 5:13

Uqhamaraquiw isejjsa thalarasta aqham sasa: “Uqhamwa Diosajj utapatsa, orakepatsa ankäjjaru thalanucuni, take qhitinacatejj uca juramento jan phokhapcani ucanacampejja, uqhamarac aparani take cunapatejj utjqui ucanacsa” sasa. Ucatsti take jakenacawa arsupjjäna: “Uqhamäpan” —sasa. Ucatsti Tatituruw yupaychapjjäna. Jakenacasti cuntï arsupcäna lurañataqui ucanacjja phokhapjjänwa.

Nehemías 9:38

“Take acanacwa nanacajj arsupjjta phokhañataqui aca kellkata toke, uca arust'äwi kellkatarusti firmapjjewa jilïrinacajja, levitanaca, uqhamarac sacerdotenacampi.”

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Eclesiastés 8:2

Reyin arsutapjja phokhätawa, uqham phokhañataquiw juramentompi arstajja Diosan nayrakatapana.

Jeremías 34:15

Ucampisa jichhajj jumanacajj sarnakäwinacamjja mayjaruwa tucuyjjapjjtajja, cunatejj nayataquejj asquïqui ucwa lurapjjaractajja, marca masi esclavonacamaru antutjjasajja. Ucatsti mä arust'äwiruraquiw mantapjjänjja nayan nayrakatajjana, cawquïri templotejj nayataqui satäqui ucana.

Jeremías 34:8

Tatitusti wasitatwa Jeremiasarojj parljjayaraquïna, cunapachatejj Sedequías reyejj mä arust'äwi lurcatayna take Jerusalén marcan jaquiri jakenacampi take esclavonacaru antutjjañataqui, uca khepata.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Deuteronomio 10:12

“Jichhasti israelit jakenaca, ¿cunsa Tatitu Diosamajj jumanacat mayipjjtamjja? Juparu jach'añchañanacama, jupan thaquipanjam arcañanacama muni, ucatsti munaraquiwa juparu munapjjañanacama, yupaychapjjañama take chuymampi, take jacañamampi,

Deuteronomio 11:13

“Jumanacatï Diosan camachi arunacapa jichha uruna churapcsma ucanaca phokhapjjäta, ucatsti Tatitu Diosamaru munapjjaraquïta, take chuymampi yupaychapjjaraquïta take jacañamampi ucqhajj,

Deuteronomio 13:4

Tatitu Diosama saparuqui arcapjjam, jach'añchapjjaraquim, ist'apjjaraquim camachi arunacapsa, jaysapjjam juparu ucatsti yupaychapjjaraquim, uqhamaraqui juparu chict'atapuni jacapjjaraquim.

Deuteronomio 29:1

Acanacaw cawquïri arust'äwi arunactejj Diosajj Moisesaru israelit jakenacampi lurañapataqui ewjjäna, Moab orakena, cawquïri arust'äwinactï jupanacampi lurcatayna Horeb kolluna, ucat sipansa.

Deuteronomio 4:45

cawquïri camachinaca, leyinaca, arsutanacaptï Moisesajj Israel marcaru churcäna, cunapachatï jupanacajj Egipto marcat mistunipcäna ucqha,

Deuteronomio 6:1

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui.

Deuteronomio 6:5

“Tatitu Diosamarusti take chuymamampi, take jacañamampi, take ch'amamampi munam.

Deuteronomio 8:19

“Ucatsti jumanacatï Tatitu Diosamat armasipjjäta, yakha diosanacan khepaparaqui arcapjjäta, ucanacarus quillt'asipjjaraquïta ucqhajj nayajj chekpachanwa sapjjsma, take jumanacajj t'unjatäpjjätawa.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.